Gold Silver ETF Price Crash: தங்கம், வெள்ளி ETF-கள் 7% வரை சரிவு கண்டுள்ளன; 8 மாதங்களில் இல்லாத அளவுக்கு தங்கம் விலை வீழ்ச்சி கண்டுள்ளது.
Gold Silver ETF Price Crash: தங்கம், வெள்ளி ETF-கள் 7% வரை சரிவு கண்டுள்ளன; 8 மாதங்களில் இல்லாத அளவுக்கு தங்கம் விலை வீழ்ச்சி கண்டுள்ளது.

Published on: November 20, 2026 at 1:29 pm
சென்னை, நவ.20, 2026: சர்வதேச சந்தையில் தங்கம் மற்றும் வெள்ளி விலைகள் கடுமையாகச் சரிந்து வருகின்றன. இதன் எதிரொலியாக இந்தியப் பங்குச்சந்தையில் தங்கம் மற்றும் வெள்ளி ETF-களின் மதிப்பு ஒரே நாளில் 7 சதவீதம் வரை சரிந்துள்ளது. கடந்த 8 மாதங்களில் இல்லாத அளவுக்கு தங்கம் வாராந்திர சரிவைச் சந்திக்க உள்ளது.
அமெரிக்க பெடரல் ரிசர்வ் வங்கி வட்டி விகிதங்களை மீண்டும் உயர்த்தக்கூடும் என்ற எதிர்பார்ப்பு முதலீட்டாளர்களிடையே அதிகரித்துள்ளது. இதனால் அமெரிக்க டாலரின் மதிப்பும், பத்திரங்களின் வருவாயும் உயர்ந்துள்ளன. வட்டி வருவாய் கிடைக்காத தங்கத்தில் முதலீடு செய்வதற்கான ஆர்வம் இதனால் குறைந்துள்ளது.
மேலும், செயற்கை நுண்ணறிவுத் துறை சார்ந்த நிறுவனங்களின் பங்குகள் சரிவைச் சந்தித்துள்ளதால், ஏற்பட்ட இழப்புகளை ஈடுகட்ட முதலீட்டாளர்கள் தங்கத்தை விற்பனை செய்து வருகின்றனர். இதன் காரணமாக சர்வதேச சந்தையில் தங்கம் ஒரே வாரத்தில் 7 சதவீதத்துக்கும் அதிகமாகவும், வெள்ளி சுமார் 13 சதவீதமும் சரிந்துள்ளன.
இந்தியாவிலும் இதன் தாக்கம் எதிரொலித்துள்ளது. நவம்பர் 20-ம் தேதி தங்கம் மற்றும் வெள்ளி விலை மேலும் சரிந்த நிலையில், அமெரிக்க பெடரல் ரிசர்வின் டிசம்பர் மாத வட்டி விகித முடிவுகளைப் பொறுத்தே அடுத்தகட்ட விலை நகர்வு அமையும் என சந்தை நிபுணர்கள் தெரிவிக்கின்றனர்.
இதையும் படிங்க : ஓய்வூதியதாரர்களுக்கு புதிய திட்டம்.. மாதந்தோறும் பிஎஃப் பணம் பெறலாம்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com