‘மகாராணி 5’ வெப் தொடர்.. மொட்டையடித்த தோற்றத்தில் ஹுமா குரேஷி!

Huma Qureshi Maharani 5 Look: ‘மகாராணி 5’ வெப் தொடரில், மொட்டையடித்த தோற்றத்தில் ஹுமா குரேஷி காணப்படுகிறார்.

மொட்டையடித்த தோற்றத்தில் ஹுமா குரேஷி

ByThilahavathy P

Published on: November 13, 2026 at 2:35 pm

மும்பை, நவ.13, 2026: நடிகை ஹுமா குரேஷி நடிப்பில் பெரும் வரவேற்பைப் பெற்ற ‘மகாராணி’ வெப் தொடரின் 5-வது சீசன் விரைவில் வெளியாக உள்ளது. இதற்கான முதல் தோற்றப் புரமோ நவம்பர் 11-ம் தேதி வெளியிடப்பட்டது. இதில் ராணி பாரதி கதாபாத்திரத்தில் ஹுமா குரேஷி மொட்டையடித்த தோற்றத்தில் இருப்பது ரசிகர்களின் கவனத்தை ஈர்த்துள்ளது.

இந்தத் தோற்ற மாற்றம் குறித்து பேசிய ஹுமா குரேஷி, கதாபாத்திரத்தின் தேவைக்காகவே இந்த முடிவை எடுத்ததாகத் தெரிவித்துள்ளார். இதற்கு முன்பு இதுபோன்ற தோற்றத்தில் நடித்ததில்லை என்றும், முதலில் சற்று பதற்றமாக இருந்தாலும் புதிய அனுபவத்தை முயற்சி செய்வதில் உற்சாகமாக இருந்ததாகவும் கூறியுள்ளார்.

ராணி பாரதி கதாபாத்திரம் நல்லவர், கெட்டவர் என எளிதில் வகைப்படுத்த முடியாத பல பரிமாணங்களைக் கொண்டது என்றும், ஒவ்வொரு சீசனிலும் இந்தக் கதாபாத்திரம் தன்னை ஒரு நடிகையாகப் புதுமையாகச் சவாலுக்கு உட்படுத்துவதாகவும் ஹுமா தெரிவித்துள்ளார். இந்த முறை கதாபாத்திரத்தை இன்னும் ஆழமாகப் புரிந்துகொள்ள புதிய தோற்றம் உதவியதாகவும் குறிப்பிட்டுள்ளார்.

‘மகாராணி 5’ தொடரில் எதிர்பாராத திருப்பங்களும் சுவாரஸ்யமான மாற்றங்களும் இடம்பெறும் என ஹுமா தெரிவித்துள்ளார். இந்த வெப் தொடர் 2027 பிப்ரவரி மாதம் சோனி லிவ் ஓடிடி தளத்தில் வெளியாக உள்ளது.

இதையும் படிங்க : தளபதி ரசிகர்களுக்கு இன்ப அதிர்ச்சி.. 2027 புத்தாண்டில் பைரவா ரீரிலீஸ்!