Russia Drone Attack: உக்ரைனில் ரஷ்ய ட்ரோன் தாக்குதலில் ரயில் நிலையத்தில் 13 பேர் உயிரிழந்தனர்.
Russia Drone Attack: உக்ரைனில் ரஷ்ய ட்ரோன் தாக்குதலில் ரயில் நிலையத்தில் 13 பேர் உயிரிழந்தனர்.
Published on: October 30, 2026 at 12:13 pm
ட்னிப்ரோ, அக்.30, 2026: உக்ரைனின் மத்திய பகுதியில் உள்ள ட்னிப்ரோ (Dnipro) நகரின் ரயில் நிலையத்தில் நிறுத்தப்பட்டிருந்த இரண்டு ரயில்கள் மீது ரஷ்யாவின் ஜெட் இயக்க ட்ரோன் தாக்குதல் நடத்தியது. வியாழக்கிழமை நடைபெற்ற இந்தத் தாக்குதலில் குறைந்தது 13 பேர் உயிரிழந்ததாகவும், 10 பேர் காயமடைந்ததாகவும் உக்ரைன் அதிகாரிகள் தெரிவித்துள்ளனர்.
ரயில் நிலையத்தில் பயணிகள் அதிகளவில் இருந்தபோது இந்தத் தாக்குதல் நடந்துள்ளது. ஜபோரிஜியா (Zaporizhzhia) நகருக்குச் செல்லத் தயாராக இருந்த பயணிகள் ரயில் உள்ளிட்ட இரண்டு ரயில்கள் தாக்குதலுக்கு உள்ளாகின. இதனால் ரயில் நிலைய நடைமேடையில் இருந்த பயணிகள் பலர் உயிரிழந்ததுடன், ரயில்களும் சேதமடைந்தன.
இந்தத் தாக்குதலை உக்ரைன் அதிபர் வொலோடிமிர் ஸெலென்ஸ்கி கடுமையாகக் கண்டித்துள்ளார். பொதுமக்கள் மீது நடத்தப்பட்ட இந்தத் தாக்குதலுக்குப் பதிலளிக்கும் வகையில், அமெரிக்கா மற்றும் ஐரோப்பிய நாடுகள் நடவடிக்கை எடுக்க வேண்டும் என்றும் அவர் வலியுறுத்தியுள்ளார்.
இதற்கிடையே, உக்ரைனின் செர்னிஹிவ் நகரில் நடத்தப்பட்ட தாக்குதலில் இரண்டு சிறுமிகள் உயிரிழந்தனர். கிரெமென்சுக் நகரில் குடியிருப்புப் பகுதிகள் மீது நடத்தப்பட்ட தாக்குதலிலும் உயிரிழப்புகள் ஏற்பட்டுள்ளன. போர் நிறுத்த முயற்சிகள் ஒருபுறம் நடைபெற்று வரும் நிலையில், உக்ரைனின் பல்வேறு நகரங்களில் தொடரும் தாக்குதல்கள் பொதுமக்களிடையே அச்சத்தை ஏற்படுத்தியுள்ளன.
இதையும் படிங்க : ஸ்பெயினில் இரு அதிவேக ரயில்கள் மோதி விபத்து.. 68 பேர் உயிரிழப்பு!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
