இந்தியாவில் வேலையில்லா விகிதம் குறைவு.. காரணம் கிராமங்களா?

Unemployment rate in India: இந்தியாவின் வேலைவாய்ப்பு தரவுகள் படி, ஆகஸ்ட் 2026-இல் வேலைஇல்லா விகிதம் 5% ஆக குறைந்துள்ளது. குறிப்பாக, கிராமப்புறங்களில் வேலைவாய்ப்பு அதிகரித்ததால், வேலைஇல்லா விகிதம் 7 மாதங்களில் மிகக் குறைந்த நிலையை எட்டியுள்ளது.

இந்தியாவில் வேலையில்லா விகிதம்

ByPushpa Gopinath

Published on: September 16, 2026 at 12:06 pm

புதுடெல்லி செப்டம்பர் 16, 2026; இந்தியாவின் வேலைவாய்ப்பு தரவுகள் படி, ஆகஸ்ட் 2026-இல் வேலைஇல்லா விகிதம் 5% ஆக குறைந்துள்ளது. குறிப்பாக, கிராமப்புறங்களில் வேலைவாய்ப்பு அதிகரித்ததால், வேலைஇல்லா விகிதம் கடந்த 7 மாதங்களில் மிகக் குறைந்த நிலையை எட்டியுள்ளது. ஜூலை மாதத்தில் 5.1% இருந்த வேலைஇல்லா விகிதம், ஆகஸ்டில் 5% ஆக குறைந்தது.

கிராமப்புறங்களில் வேலைஇல்லா விகிதம் 4.5% இருந்து 4.1% ஆக குறைந்துள்ளது. இது ஜனவரி மாதத்திற்குப் பிறகு மிகக் குறைந்த நிலையாகும். நகர்ப்புறங்களில் வேலைஇல்லா விகிதம் 6.7% இருந்து 6.8% ஆக சிறிய மாற்றம் மட்டுமே கண்டுள்ளது. இதனால், கிராமப்புற வேலைவாய்ப்பு வளர்ச்சி நாட்டின் மொத்த வேலைவாய்ப்பு நிலையை மேம்படுத்தியதாக கருதப்படுகிறது.

வேலைவாய்ப்பு பங்கேற்பு விகிதம் (LFPR) ஜூலை மாதத்தில் 55.4% இருந்த நிலையில், ஆகஸ்டில் 55.6% ஆக உயர்ந்துள்ளது. கிராமப்புறங்களில் LFPR 58% இருந்து 58.2% ஆக உயர்ந்துள்ளது. நகர்ப்புறங்களில் 50.4% என்ற நிலை மாற்றமின்றி தொடர்கிறது. கடந்த ஆண்டு ஆகஸ்டில் 55% இருந்த LFPR, இவ்வாண்டு 55.6% ஆக உயர்ந்துள்ளது.

பெண்கள் பங்கேற்பு விகிதமும் உயர்ந்துள்ளது. மொத்த பெண்கள் LFPR ஜூலை மாதத்தில் 34.4% இருந்த நிலையில், ஆகஸ்டில் 34.8% ஆக உயர்ந்துள்ளது. கிராமப்புற பெண்கள் LFPR 38.8% இருந்து 39.4% ஆக உயர்ந்துள்ளது. நகர்ப்புற பெண்கள் LFPR 25.3% இருந்து 25.4% ஆக சிறிய முன்னேற்றம் கண்டுள்ளது. கடந்த ஆண்டு 33.7% இருந்த பெண்கள் பங்கேற்பு, இவ்வாண்டு 34.8% ஆக உயர்ந்துள்ளது.

மொத்த வேலைவாய்ப்பு பங்கேற்பு விகிதம் (WPR) ஜூலை மாதத்தில் 52.5% இருந்த நிலையில், ஆகஸ்டில் 52.8% ஆக உயர்ந்துள்ளது. இது கடந்த 5 மாதங்களில் மிக உயர்ந்த நிலையாகும். கிராமப்புற WPR 55.4% இருந்து 55.8% ஆக உயர்ந்துள்ளது. நகர்ப்புற WPR 47% என்ற நிலை மாற்றமின்றி தொடர்கிறது. இந்த முன்னேற்றம், வேளாண்மை மற்றும் கிராமப்புற தொழில்கள் வளர்ச்சியால் ஏற்பட்டதாகவும், பெண்கள் பங்கேற்பு அதிகரித்திருப்பது கிராமப்புற வேலைவாய்ப்பு திட்டங்கள் மற்றும் சுயதொழில் வாய்ப்புகள் காரணமாகும் என்றும் கருதப்படுகிறது.

இதையும் படிங்க; 24 காரட் தங்க முலாம் பூசப்பட்ட விநாயகர்.. ஹைதராபாத் மார்க்கெட்டில் பரபரப்பு!