Rahul Gandhi Assets Case : காங்கிரஸ் முன்னாள் தலைவரும், எதிர்க்கட்சித் தலைவருமான ராகுல் காந்தி மீதான சொத்துக் குவிப்பு வழக்கில் உச்ச நீதிமன்றம் அதிரடி உத்தரவு ஒன்றை பிறப்பித்துள்ளது.
Rahul Gandhi Assets Case : காங்கிரஸ் முன்னாள் தலைவரும், எதிர்க்கட்சித் தலைவருமான ராகுல் காந்தி மீதான சொத்துக் குவிப்பு வழக்கில் உச்ச நீதிமன்றம் அதிரடி உத்தரவு ஒன்றை பிறப்பித்துள்ளது.
Published on: August 17, 2026 at 8:53 pm
புதுடெல்லி, ஆக.17, 2026: உச்ச நீதிமன்றம், காங்கிரஸ் தலைவர் ராகுல் காந்திக்கு எதிராக தொடரப்பட்ட வருமானத்திற்குப் பொருந்தாத சொத்துக்கள் தொடர்பான வழக்கில் முக்கிய உத்தரவை பிறப்பித்துள்ளது.
அலகாபாத் உயர் நீதிமன்றத்தில் நடைபெற்று வந்த நடவடிக்கைகளை ஒத்திவைக்க உத்தரவிட்டதோடு, சிபிஐ மற்றும் அமலாக்க இயக்குநரகம் (ED) எந்தவொரு அறிக்கையையும் தாக்கல் செய்ய வேண்டாம் என்றும் உத்தரவிட்டுள்ளது. இதனால் ராகுல் காந்திக்கு பெரும் நிம்மதி கிடைத்துள்ளது.
முன்னதாக, அலகாபாத் உயர் நீதிமன்றம் சிபிஐ மற்றும் அமலாக்கத் துறைக்கு விசாரணை நடத்துமாறு உத்தரவிட்டிருந்தது. சிபிஐ தாக்கல் செய்த பிரமாணப் பத்திரம் போதுமான விளக்கமளிக்கவில்லை என்று நீதிமன்றம் சுட்டிக்காட்டியிருந்தது.
அதன்படி, ஜூலை 20 அன்று, சிபிஐ-யின் மூத்த அதிகாரி ஒருவர் நேரில் வந்து புதிய பிரமாணப் பத்திரம் தாக்கல் செய்யுமாறு உத்தரவிட்டது. மேலும், ED விசாரணையின் போது சட்டவிரோதச் செயல்கள் தொடர்பான ஆதாரங்கள் கிடைத்தால், சட்டப்படி நடவடிக்கை எடுக்கலாம் என்றும் அனுமதி அளித்தது.
இந்த வழக்கை கர்நாடகாவைச் சேர்ந்த பாஜக தொண்டர் விக்னேஷ் ஷிஷிர் தாக்கல் செய்திருந்தார். அவர், ராகுல் காந்தி இரட்டைக் குடியுரிமை வைத்திருப்பதாகவும், வருமானத்திற்குப் பொருந்தாத சொத்துக்கள் வைத்திருப்பதாகவும் குற்றம் சாட்டினார். சுமார் இரண்டு மணி நேரம் நீதிபதியின் அறையில் நடைபெற்ற ‘இன்-சேம்பர்’ விசாரணைக்குப் பிறகு, உச்ச நீதிமன்றம், தற்போதைக்கு மேல்நடவடிக்கைகளை மேற்கொள்ள வேண்டாம் என்று உத்தரவிட்டது.
அடுத்த விசாரணையை ஆகஸ்ட் 20-ஆம் தேதிக்கு ஒத்திவைத்துள்ள அலகாபாத் உயர் நீதிமன்றம், மத்திய அரசுக்கு நான்கு வார கால அவகாசம் அளித்து, பணியாளர் மற்றும் பயிற்சித் துறை, நிதி அமைச்சகம், கார்ப்பரேட் விவகாரங்கள் அமைச்சகம் மற்றும் தீவிர மோசடி விசாரணை அலுவலகம் சார்பில் விரிவான பதில் தாக்கல் செய்யுமாறு உத்தரவிட்டுள்ளது. வழக்கு தொடர்பான அனைத்து ஆவணங்களும் மூடிய உறையில் பாதுகாப்பாக வைக்கப்பட வேண்டும் என்றும் நீதிமன்றம் தெரிவித்துள்ளது.
இதையும் படிங்க :ஜார்கண்டில் வலுக்கும் மாணவர்கள் போராட்டம்.. முதலமைச்சர் சோரன் பதவி விலக நேரிடும் என எச்சரிக்கை!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
