ITC Q1 Profit Down: ஐ.டி.சி நிகர வருவாய் சரிவை கண்டுள்ளது. எனினும் வருவாய் உயர்ந்துள்ளது. சிகரெட் வணிகத்தில் ஏற்பட்ட சரிவு…
ITC Q1 Profit Down: ஐ.டி.சி நிகர வருவாய் சரிவை கண்டுள்ளது. எனினும் வருவாய் உயர்ந்துள்ளது. சிகரெட் வணிகத்தில் ஏற்பட்ட சரிவு…
Published on: August 1, 2026 at 12:42 pm
சென்னை, ஆகஸ்ட் 1 2026 ஐ.டி.சி நிறுவனம் தனது 2026-27 நிதியாண்டின் முதல் காலாண்டு (Q1FY27) முடிவுகளை வெளியிட்டுள்ளது. வருவாய் 28% அதிகரித்து ரூ. 29,523 கோடியாக உயர்ந்திருந்தாலும், நிகர லாபம் 16% சரிவடைந்து ரூ. 4,394 கோடியாக பதிவாகியுள்ளது. முந்தைய ஆண்டின் இதே காலகட்டத்தில் (Q1FY26) ரூ. 5,244 கோடி லாபம் இருந்த நிலையில், இம்முறை குறைவான லாபம் நிறுவனத்தின் செயல்திறனை சற்று பாதித்துள்ளது.
முந்தைய காலாண்டுடன் ஒப்பிடுகையில் (QoQ), ஐ.டி.சி நிறுவனத்தின் நிகர லாபம் 18.45% சரிவடைந்துள்ளது. அதேசமயம், வருவாய் 23.94% உயர்ந்துள்ளது. வருவாய் அதிகரித்திருந்தாலும், செலவுகள் மற்றும் வரி அழுத்தம் காரணமாக லாபத்தில் குறைவு ஏற்பட்டுள்ளது.
சிகரெட் வணிகம் ஐ.டி.சி நிறுவனத்துக்கு முக்கியமான பிரிவு என்றாலும், Q1FY27-ல் சிகரெட் வருவாய் 25% சரிந்து ரூ. 15,384 கோடியாக இருந்தது. வரிகள் அதிகரித்ததன் தாக்கம் மற்றும் சட்டவிரோத வர்த்தகத்துக்கு எதிரான நுகர்வோர் நகர்வை சமாளிக்க, நிறுவனம் பல்வேறு விலை நிலைகளில் 30-க்கும் மேற்பட்ட நடவடிக்கைகளை மேற்கொண்டதாக தெரிவித்துள்ளது.
ஐ.டி.சி இந்தியாவின் முன்னணி பன்முகத்தன்மை கொண்ட தனியார் துறை நிறுவனங்களில் ஒன்றாகும். FMCG, காகிதம், பேக்கேஜிங், விவசாயம் மற்றும் தகவல் தொழில்நுட்பம் போன்ற துறைகளில் வணிகம் செய்து வருகிறது. 30-க்கும் மேற்பட்ட இந்திய நுகர்வோர் பிராண்டுகளைக் கொண்டுள்ள ஐ.டி.சி, பல பிரிவுகளில் சந்தை முன்னணியாளராக திகழ்கிறது என்பது குறிப்பிடத்தக்கது.
இதையும் படிங்க : டி.சி.எம் ஸ்ரீராம் நிறுவன பங்குகள் 7 சதவீதம் உயர்வு.. பின்னணி என்ன?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
