இந்து விரோத அரசியல்.. த.வெ.க.வை சாடிய நயினார் நாகேந்திரன்!

Nainar Nagendran : தமிழக வெற்றிக் கழகம் இந்து விரோத அரசியலில் ஈடுபடுவதாக தமிழ்நாடு பா.ஜ.க. மாநிலத் தலைவர் நயினார் நாகேந்திரன் விமர்சித்துள்ளார்.

நயினார் நாகேந்திரன்

BySaranya JK

Published on: June 6, 2026 at 4:18 pm

சென்னை, ஜூன் 6, 2026: பாரதிய ஜனதா கட்சியின் மாநிலத் தலைவர் நயினார் நாகேந்திரன், தவெக அமைச்சர் சி.டி. நிர்மல் குமாரின், திருப்பரங்குன்றம் தொடர்பான கருத்தை கடுமையாக விமர்சித்துள்ளார்.
அதில், உயர்நீதிமன்றம் தீபத்தூணில் தீபமேற்ற வேண்டும் என்று தீர்ப்பளித்திருந்தபோதும், “இரண்டு ஆண்டுகளுக்கு முன்பிருந்த நடைமுறையையே கடைபிடிப்போம்” என்று தவெக அமைச்சர் கூறியிருப்பது இந்து மக்களின் மனதை புண்படுத்துவதாகவும், தீர்ப்பை அவமதிப்பதாகவும் அவர் குற்றம்சாட்டினார்.

தவெக அமைச்சரின் இந்து விரோத கருத்தை ஆமோதிக்கிறாரா முதல்வர்?

திருப்பரங்குன்றம் தீபத்தூணில் தீபமேற்ற வேண்டும் என்ற உயர்நீதிமன்றத் தீர்ப்பை அவமதிக்கும் வகையிலும், இந்து மக்களின் மனதைப் புண்படுத்தும் வகையிலும், "திருப்பரங்குன்றம் விஷயத்தில் இரண்டு ஆண்டுகளுக்கு முன்பிருந்த…
— Nainar Nagenthran (@NainarBJP) June 6, 2026

தொடர்ந்து, மாற்று சக்தி என்று கூறி ஆட்சிக்கு வந்த தவெக, திமுகவின் இந்து விரோத அரசியலைப் பின்பற்றுவதாக நயினார் நாகேந்திரன் தெரிவித்தார். இதனால் தவெக ஒரு ஏமாற்று சக்தி என்பதை மக்கள் உணர்ந்துவிட்டதாகவும், இந்து மக்களின் பண்பாட்டு உரிமையை பறிக்க முயலும் அரசின் நடவடிக்கைகள் கண்டிக்கத்தக்கவை என்றும் அவர் வலியுறுத்தினார்.

மேலும், திமுகவுக்கும் தவெகக்கும் இடையில் எந்த வித்தியாசமும் இல்லை என்பதை இந்த நிகழ்வு நிரூபிக்கிறது என்று அவர் கூறினார். பாஜகவிடம் தங்களின் காங்கிரஸ் எதிர்ப்பை நிரூபிக்க திமுகவுடன் மறைமுகமாக பேரம் நடத்துவதாகவும், அதே பாதையில் தவெகவும் செல்கிறது என அவர் குற்றம்சாட்டினார்.

தொடர்ந்து, முதலமைச்சர் விஜய் வழக்கம்போல் மௌனமாக இருக்காமல், திருப்பரங்குன்றம் தீபத்தூணில் தீபமேற்றுவது குறித்த தவெக அரசின் நிலைப்பாட்டை உடனடியாகத் தெரிவிக்க வேண்டும் என்று நயினார் நாகேந்திரன் வலியுறுத்தினார்.

இதையும் படிங்க : தமிழகத்தின் எதிர்கால பயணம்.. 24 மணி நேரத்தில் 13 லட்சம் உறுப்பினர்கள்.. அண்ணாமலை!