பெத்தி படத்துக்கு எகிறும் எதிர்பார்ப்பு.. சிறப்புக் காட்சிக்கு அனுமதி!

Peddi ticket hike dropped : ஆந்திரப் பிரசேத்தில் பெத்தி படத்துக்கு சிறப்பு காட்சிக்கு அனுமதி வழங்கப்பட்டுள்ளது.

பெத்தி படத்தில் ராம் சரண்

ByThilahavathy P

Published on: May 30, 2026 at 3:10 pm

ஹைதராபாத், மே 30, 2026: நடிகர் ராம் சரண் – நடிகை ஜான்வி கபூர் இணைந்து நடிக்கும் ‘பெத்தி’ திரைப்படம் ஜூன் 4, 2026 அன்று திரையரங்குகளில் வெளியாகிறது. இந்தப் படத்துக்கு ஆந்திரப் பிரதேசத்தில் சிறப்பு காட்சிகளுக்கு அனுமதி வழங்கப்பட்டு, டிக்கெட் விலை ₹600 என நிர்ணயிக்கப்பட்டுள்ளதாக தகவல் வெளியாகியுள்ளது.

இதற்கிடையில், தெலுங்கானா உயர் நீதிமன்றத்தில் டிக்கெட் விலை உயர்த்தும் மனுவை தயாரிப்பாளர்கள் வாபஸ் பெற்றுள்ளனர். புச்சி பாபு சனா இயக்கியுள்ள பெத்தி படத்தில், ராம் சரண், ஜான்வி கபூர், ஷிவராஜ்குமார், ஜகபதி பாபு, போமன் இரானி உள்ளிட்ட பலர் நடித்துள்ளார்கள்.

இந்தப் படத்துக்கு, ஏ.ஆர்.ரஹ்மான் இசையமைத்துள்ளார். இந்த நிலையில், ஜூன் 3, 2026 அன்று இரவு 8 மணிக்கு படத்தின் பிரீமியர் காட்சி நடைபெற உள்ளது. இந்தப் படத்துக்கு, முதல் வாரத்தில் சிங்கிள் ஸ்கிரீன் டிக்கெட் ₹100 உயர்வுக்கும், மல்டிப்ளெக்ஸ் டிக்கெட் ₹125 உயர்வுக்கும் அனுமதி வழங்கப்பட்டுள்ளது.

தினமும் 5 காட்சிகள்

மேலும், பெத்தி படத்துக்கு தினமும் ஐந்து காட்சிகள் நடத்த அனுமதி வழங்கப்பட்டுள்ளது. அதன்படி, படம் ஜூன் 4, 2026 அன்று திரையரங்குகளில் வெளியாகிறது. முன்னதாக, படத்தின் தயாரிப்பாளர்கள் டிக்கெட் விலை உயர்த்த மனு தாக்கல் செய்திருந்தனர். இந்த நிலையில், நீதிமன்றம் இடைக்கால உத்தரவு வழங்க விருப்பம் காட்டாததால், மனுவை வாபஸ் பெற்றனர்.

இதனால், தெலுங்கானாவில் டிக்கெட் விலை உயர்வு தொடர்பான முடிவு எடுக்கப்படவில்லை என்பது குறிப்பிடத்தக்கது.

இதையும் படிங்க : நடிகர் அஜித் குமாரின் தாயார் காலமானார்