படிதார்-ஐ இந்திய அணிக்கு தூக்குங்க.. தேர்வு குழுவுக்கு அஸ்வின் அட்வைஸ்!

Ashwin Urges Agarkar : ஐ.பி.எல் 2026 பிளேஆஃப் போட்டியில் ராஜத் படீதார் ஆடிய அபார இன்னிங்ஸை, இந்திய கிரிக்கெட் அணியின் முன்னாள் வீரர் ஆர். அஸ்வின், வெகுவாக பாராட்டியுள்ளார்.

படிதார், அஸ்வின்

ByPunitha Rajesh

Published on: May 28, 2026 at 11:01 am

சென்னை, மே 28, 2026: இந்திய அணியின் முன்னாள் வீரர் ஆர். அஷ்வின், ஐ.பி.எல் 2026 பிளேஆஃப் போட்டியில் ராஜத் படீதார் ஆடிய அபார இன்னிங்ஸை மனதார பாராட்டியுள்ளார்.. மேலும், இந்திய அணிக்கான தேர்வில் அவருக்கு வாய்ப்பு தர வேண்டும் என்று தேர்வுக் குழுத் தலைவர் அஜித் அகர்கரிடம் வலியுறுத்தியுள்ளார்.

இது குறித்து அஸ்வின், “ஷ்ரேயஸ் அய்யர் முன்னிலையில் இருந்தார், ஆனால் இப்போது படீதார் சமமாக வந்துள்ளார்” எனக் கூறியுள்ளார். ஐ.பி.எல்.லில் இறுதி போட்டிக்கு செல்லும் ஆட்டத்தில் படிதார், 93 ரன்கள் விளாசினார். இதில், 33 பந்துகள், 9 சிக்ஸர்கள், 5 பவுண்டரிகள் அடங்கும். இந்தப் போட்டியில் அவர் மேன் ஆஃப் தி மேட்ச் பரிசும் பெற்றார்.

இந்த நிலையில் ஆர். அஸ்வின், “இது முதல் முறை அல்ல, படீதார் எப்போதும் பெரிய போட்டிகளில் சிறப்பாக விளையாடுகிறார். முன்பு, ஷ்ரேயஸ் அய்யர் முன்னிலையில் இருந்தார், ஆனால் இப்போது படீதார் சமமாக வந்துள்ளார். அவரை இந்திய அணிக்கான விவாதத்தில் சேர்க்க வேண்டும், இல்லையெனில் அது தவறு; அவர் ஸ்பின்னர்களுக்கு எதிராக மட்டுமல்ல, பேஸர்களுக்கும் எதிராக சிறப்பாக விளையாடினார்” எனத் தெரிவித்துள்ளார்.

இதையும் படிங்க : 17 வயது சிறுமி புகார்.. யஷ் தயால், ஆர்.சி.பி. அணிக்காக விளையாடாதது ஏன்?