பெட்ரோல், டீசல் விலை மீண்டும் உயர்வு.. புதிய விலை தெரியுமா?

Petrol Diesel Hike : பெட்ரோல், டீசல் விலை மீண்டும் உயர்வை சந்தித்துள்ளது. இந்த விலையேற்றம் வாகன ஓட்டிகளை பெரிதும் பாதித்துள்ளது.

பெட்ரோல், டீசல் விலை உயர்வு

BySaranya JK

Published on: May 25, 2026 at 12:19 pm

Updated on: May 25, 2026 at 12:20 pm

புதுடெல்லி, மே 25, 2026: பெட்ரோல், டீசல் விலை மீண்டும் உயர்ந்துள்ளது. டெல்லியில் பெட்ரோல் லிட்டருக்கு ₹2.61, டீசல் ₹2.71 உயர்ந்துள்ளது. கடந்த 10 நாட்களில் இது நான்காவது உயர்வு ஆகும். இந்நிலையில், முக்கிய நகரங்களில் எரிபொருளின் விலைகள் ₹100-ஐ கடந்துள்ளன.

டெல்லி மற்றும் பிற நகரங்களில் விலை

டெல்லியில் பெட்ரோல் விலை ₹102.12 ஆகவும், டீசல் விலை ₹95.20 ஆகவும் காணப்படுகின்றது. கொல்கத்தாவை பொறுத்தமட்டில் பெட்ரோல் ₹113.51 ஆகவும், டீசல் ₹99.82 ஆகவும் காணப்படுகின்றது. மும்பையை பொறுத்தமட்டில் பெட்ரோல் ₹111.21 ஆகவும், டீசல் ₹97.83 ஆகவும் காணப்படுகின்றது. இந்நிலையில், சென்னையில் பெட்ரோல் ₹107.77 ஆகவும், டீசல் ₹99.55 ஆகவும் காணப்படுகின்றது.

விலை உயர்வு ஏன்?

மேற்கு ஆசியாவில் நடந்த மோதல் காரணமாக சர்வதேச சந்தையில் பிரெண்ட் கச்சா எண்ணெய் விலை அதிகரித்தது. இதனால், பெட்ரோல், டீசல் விற்பனை நிறுவனங்கள் கடந்த காலத்தில் ஏற்பட்ட இழப்புகளை ஈடு செய்ய தொடர்ந்து விலை உயர்த்தி வருகின்றன. இதற்கிடையில், மே 15 முதல் மே 25 வரை பெட்ரோல் ₹7.35, டீசல் ₹7.53 உயர்ந்துள்ளது.

எண்ணெய் நிறுவனங்களின் நிதி நிலை

இதற்கிடையில், மத்திய அரசு எண்ணெய் நிறுவனங்களான ஐ.ஓ.சி, பி.பி.சி.எல் மற்றும் ஹெச்.பி.சி.எல் உள்ளிட்ட நிறுவனங்கள் கடந்த காலாண்டில் ₹19,470 கோடி நிகர லாபம் பெற்றுள்ளன. 2025–26 நிதியாண்டில் மொத்த லாபம் ₹77,280 கோடியாக காணப்படுகிறது. இது கடந்த ஆண்டை விட 130% அதிகம் ஆகும்.

இதையும் படிங்க : ரூ.1 லட்சம் முதலீடு, ரூ.1.59 லட்சம் ரிட்டன்.. எஸ்.பி.ஐ டாப் மியூச்சுவல் ஃபண்ட்