இந்தியா வருகிறார் ரஷ்ய அதிபர் விளாடிமிர் புதின்.. பரபரப்பு தகவல்கள்!

Putin India Visit : ரஷ்ய அதிபர் விளாடிமிர் புதின் இந்தியா வருகிறார்; அவரது பயணத்தை ரஷ்யா உறுதிப்படுத்தியுள்ளது.

ரஷ்ய அதிபர் விளாடிமிர் புதின்

BySaranya JK

Published on: May 19, 2026 at 8:34 pm

புதுடெல்லி, மே 19, 2026: ரஷ்ய அதிபர் விளாடிமிர் புதின், வரும் செப்டம்பர் 12 மற்றும் 13ஆம் தேதிகளில் நியூடெல்லியில் நடைபெறும் பிரிக்ஸ் உச்சி மாநாட்டில் பங்கேற்க இருப்பதாக க்ரெம்லின் அதிகாரி யூரி உஷகோவ் உறுதிப்படுத்தியுள்ளார்.

இது, கடந்த ஆண்டு டிசம்பரில் இந்தியா வந்த பிறகு, புதின் அவர்களின் இரண்டாவது பயணம் ஆகும்.
இந்தியாவின் 2026 பிரிக்ஸ் தலைமை பொறுப்பின் கீழ், நியூடெல்லியில் செப்டம்பர் 12 மற்றும் 13 தேதிகளில் மாநாடு நடைபெறுகிறது.

இந்த பிரிக்ஸ் அமைப்பில் தற்போது பிரேசில், ரஷ்யா, இந்தியா, சீனா, தென்னாப்பிரிக்கா மட்டுமல்லாமல், எகிப்து, எத்தியோப்பியா, ஈரான், சவுதி அரேபியா, ஐக்கிய அரபு அமீரகம் போன்ற புதிய உறுப்பினர்களும் இணைந்துள்ளனர்.

இதனால், மேற்கு ஆசியா மற்றும் ஆப்பிரிக்காவில் பிரிக்ஸ் செல்வாக்கு அதிகரித்துள்ளது. இந்த நிலையில், புதின் அவர்களின் பயணம், இந்தியா–ரஷ்யா உறவுகளை வலுப்படுத்தும் முக்கிய நிகழ்வாகக் கருதப்படுகிறது.

கடந்த ஆண்டு டிசம்பரில் நடைபெற்ற 23வது இந்தியா–ரஷ்யா ஆண்டு உச்சி மாநாட்டில், பிரதமர் நரேந்திர மோடியுடன் புதின் சந்தித்து, பாதுகாப்பு, ஆற்றல் மற்றும் வர்த்தக ஒத்துழைப்புகளை விரிவுபடுத்தியிருந்தார். தற்போது இரு நாடுகளும் 2030க்குள் இருதரப்பு வர்த்தகத்தை $100 பில்லியன் வரை உயர்த்தும் இலக்கை நிர்ணயித்துள்ளன.

இந்நிலையில், புதின் பங்கேற்பு, பிரிக்ஸ்-இல் ரஷ்யாவின் பங்கு மற்றும் இந்தியாவுடனான உறவுகளை மேலும் வலுப்படுத்தும். அதேசமயம், உலக அரசியல் சூழலில் பிரிக்ஸ் அமைப்பின் செல்வாக்கை அதிகரிக்கும் வாய்ப்பும் உள்ளது என்பது குறிப்பிடத்தக்கது.

இதையும் படிங்க : பிரதமர் நரேந்திர மோடிக்கு நார்வே உயரிய விருது.. இதன் சிறப்பு என்ன?