பி.பி.எஃப் முதலீடு கால்குலேட்டர்.. ரூ.1,50 லட்சம் முதலீடு.. எவ்வளவு ரிட்டன்?

PPF Returns by 40, 50, 60 : மத்திய அரசின் ஆதரவு பெற்ற பி.பி.எஃப் திட்டத்தில் ஆண்டுக்கு ரூ.1.50 லட்சம் முதலீடு செய்தால் எவ்வளவு ரிட்டன் கிடைக்கும்?

பி.பி.எஃப் முதலீடு

BySaranya JK

Published on: May 16, 2026 at 11:45 am

சென்னை, மே 16, 2026: ஒரு வருடத்திற்கு ₹1.5 லட்சம் பி.பி.எஃப் திட்ட கணக்கில் 25 வயதில் முதலீடு செய்தால், 7.1% வட்டி விகிதத்தில் 40, 50, 60 வயதில் பெரும் தொகை கிடைக்கும். அதாவது, 15 ஆண்டுகளில் சுமார் ₹40.7 லட்சம், 25 ஆண்டுகளில் ₹76 லட்சம், 35 ஆண்டுகளில் ₹1.3 கோடி வரை பெறலாம்.

40 வயதில் (15 ஆண்டுகள் முதலீடு)

மொத்த முதலீடு ₹22,50,000 ஆக இருக்கும்; இதில், வட்டி வருமானம் ₹18,18,209 கிடைக்கும். இதன் மொத்த மதிப்பு, ₹40,68,209 ஆகும்.

50 வயதில் (25 ஆண்டுகள் முதலீடு)

இதில் மொத்த முதலீடு ₹37,50,000 ஆக இருக்கும். இதில் சுமார் ₹38,50,000 வட்டி வருவாய் கிடைக்கும். இதன் மொத்த மதிப்பு ₹76,00,000 ஆகும். இதில், 15 ஆண்டுகள் முடிந்தபின், 5 ஆண்டுகளாக நீட்டிக்கலாம்; இதனால் கூட்டு வட்டி அதிகரிக்கும்.

60 வயதில் (35 ஆண்டுகள் முதலீடு)

மொத்த முதலீடு ₹52,50,000 ஆகவும், வட்டி வருமானம் சுமார் ₹77,50,000 ஆகவும் , இதனால் மொத்த மதிப்பு ₹1,30,00,000 ஆகவும் காணப்படும். பி.பி.எஃப் வட்டி விகிதம் தற்போது 7.1% (2025-26) ஆக காணப்படுகின்றது. இந்தத் திட்டத்தில், வரி சலுகை வருமான வரிச்சட்டம் 80C-இல் ₹1.5 லட்சம் வரை கழிவு வழங்கப்படுகிறது என்பது குறிப்பிடத்தக்கது.

இதையும் படிங்க : எகிறிய கச்சா எண்ணெய், சரிந்த இந்திய ரூபாய் மதிப்பு.. என்ன காரணம்?