₹50 கோடி.. 10-வது நாளில் பராசக்தி.. மொத்த வசூல் விவரம்!

Parasakthi Box Office Collection: நடிகர் சிவகார்த்திகேயன் நடித்த பராசக்தி திரைப்படம், வெளியான 10 நாட்களுக்குப் பிறகு ₹50 கோடி வசூல் மைல்கல்லை எட்டும் நிலையில் உள்ளது.

பராசக்தி திரைப்படத்தில் அதர்வா, சிவகார்த்திகேயன், ரவி மோகன்

ByAkila Ramakrishnan

Published on: January 20, 2026 at 12:07 pm

சென்னை ஜனவரி 20, 2026; சுதா கொங்கரா இயக்கத்தில், சிவகார்த்திகேயன் நடித்துள்ள பராசக்தி திரைப்படத்தின் பத்தாவது நாள் வசூல் விவரங்கள் தற்போது வெளியாகி உள்ளன.

இந்தப் படத்தின் 10வது நாள் வரை மொத்த வசூல், சுமார் ₹48–49 கோடி என மதிப்பிடப்படுகிறது. முன்னதாக, வார இறுதி நாட்களில் படம் நல்ல வளர்ச்சியைக் கண்டது, குடும்ப பார்வையாளர்களிடையே பெரும் வரவேற்பு ஏற்பட்டுள்ளது. இந்த நிலையில், 2வது வாரத்தில் ₹50 கோடி மைல்கல்லை எட்டும் வாய்ப்பு மிக அதிகம் என எதிர்பார்க்கப்படுகிறது.

பராசக்தி திரைப்படத்தின் கதை

பராசக்தி திரைப்படத்தின் கதை 1960 ஆம் ஆண்டுகளில் தமிழகத்தில் நடந்த ஹிந்தி எதிர்ப்பு போராட்டங்களை மையப்படுத்தி எடுக்கப்பட்டுள்ளது. இந்தப் படத்தில் இந்திரா காந்தி, சி.என் அண்ணாதுரை, கருணாநிதி உள்ளிட்ட கதாபாத்திரங்களும் இடம்பெற்றுள்ளன.
படத்தில் சிவகார்த்திகேயன் தவிர ஜெயம் ரவி, அதர்வா என பல நட்சத்திர பட்டாளங்கள் உள்ளனர். இந்த படம் மிகுந்த எதிர்பார்ப்புக்கு இடையே, பொங்கல் வெளியீடாக திரைக்கு வந்தது குறிப்பிடத்தக்கது.

இதையும் படிங்க; பாக்ஸ் ஆபிஸில் நின்று நிதானமாக அடித்து ஆடும் துரந்தர்.. ₹1,000 கோடியை நெருங்கினால்…!