Prabhu Deva and Simran Reunite : பிரபுதேவா – சிம்ரன் மீண்டும் இணைந்து நடிக்கும் புதிய திரைப்படத்துக்கு ‘கமல் ஸ்ரீதேவி’ எனப் பெயரிடப்பட்டுள்ளது. சௌந்தர்யா ரஜினிகாந்த் தயாரிக்கும் இப்படத்திற்கு ஜி.வி. பிரகாஷ் குமார் இசையமைக்கிறார்.
Prabhu Deva and Simran Reunite : பிரபுதேவா – சிம்ரன் மீண்டும் இணைந்து நடிக்கும் புதிய திரைப்படத்துக்கு ‘கமல் ஸ்ரீதேவி’ எனப் பெயரிடப்பட்டுள்ளது. சௌந்தர்யா ரஜினிகாந்த் தயாரிக்கும் இப்படத்திற்கு ஜி.வி. பிரகாஷ் குமார் இசையமைக்கிறார்.
Published on: October 26, 2026 at 5:37 pm
சென்னை, அக். 26 2026: நடிகர் பிரபுதேவா மற்றும் நடிகை சிம்ரன் இணைந்து நடிக்கும் புதிய காதல் திரைப்படத்துக்கு ‘கமல் ஸ்ரீதேவி’ எனப் பெயரிடப்பட்டுள்ளது. சௌந்தர்யா ரஜினிகாந்த் தனது ஜியான் ஃபிலிம்ஸ் தயாரிப்பு நிறுவனத்தின் சார்பில், எம்.ஆர்.பி. என்டர்டெயின்மென்ட் நிறுவனத்துடன் இணைந்து இப்படத்தைத் தயாரிக்கிறார்.
25 ஆண்டுகளுக்கும் மேலான இடைவெளிக்குப் பிறகு பிரபுதேவா – சிம்ரன் மீண்டும் முன்னணி ஜோடியாக இணைந்திருப்பது ரசிகர்களிடையே எதிர்பார்ப்பை ஏற்படுத்தியுள்ளது.
பிரபுதேவா மற்றும் சிம்ரன் ஏற்கெனவே 1997-ல் வெளியான ‘வி.ஐ.பி.’, 1999-ல் வெளியான ‘டைம்’ ஆகிய திரைப்படங்களில் இணைந்து நடித்துள்ளனர். இந்தப் படங்களின் பாடல்கள் ரசிகர்களிடையே வரவேற்பைப் பெற்றிருந்த நிலையில், தற்போது மீண்டும் இருவரும் காதல் கதையில் இணைந்துள்ளனர். இப்படத்திற்கு இசையமைப்பாளர் ஜி.வி. பிரகாஷ் குமார் இசையமைக்கிறார்.
‘கமல் ஸ்ரீதேவி’ திரைப்படத்தில் மிதுன் ஜெய் சங்கர் மற்றும் ஸ்மேஹா ஆகியோரும் முக்கியக் கதாபாத்திரங்களில் நடிக்கின்றனர். கிருஷ்ணானந்த் கொட்டாரப்பட்டு இப்படத்தை எழுதி இயக்குகிறார். குடும்பத்துடன் ரசிக்கும் வகையிலான மனதைத் தொடும் காதல் கதையாக இப்படம் உருவாகி வருகிறது. சென்னையிலும் மூணாறிலும் ஒரே கட்டமாகப் படப்பிடிப்பு நடத்தி முடிக்கப்பட்டுள்ள நிலையில், தற்போது இறுதிக்கட்டப் பணிகள் நடைபெற்று வருகின்றன.
இப்படத்தின் ஒளிப்பதிவை ஷரண் வேலாயுதன் மேற்கொள்கிறார்; படத்தொகுப்புப் பணிகளை ராஜா ஆறுமுகம் கவனிக்கிறார். ராஜீவன் தயாரிப்பு வடிவமைப்பாளராகவும், சேகர் கலை இயக்குநராகவும் பணியாற்றுகின்றனர். படத்தின் வெளியீட்டுத் தேதி குறித்த அதிகாரப்பூர்வ அறிவிப்பு இதுவரை வெளியாகவில்லை. பிரபுதேவா – சிம்ரன் கூட்டணி மீண்டும் திரையில் இணைவதால், படத்தின் பாடல்கள் மற்றும் வெளியீடு குறித்த அறிவிப்புகளை ரசிகர்கள் எதிர்பார்த்துள்ளனர்.
இதையும் படிங்க: “எனது தென்னிந்திய உச்சரிப்பை ஏற்க 35 ஆண்டுகள் ஆனது!” – ராஷ்மிகாவைப் பாராட்டிய நடிகை மது
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
