சிவகார்த்திகேயனின் பராசக்தி.. புதிய வீடியோ வெளியீடு!

Sivakarthikeyan: சிவகார்த்திகேயன் நடிப்பில் வெளியாக உள்ள பராசக்தி திரைப்படத்தின் புதிய வீடியோ ஒன்று தற்போது வெளியாகி உள்ளது.

பராசக்தி திரைப்படத்தில் சிவகார்த்திகேயன்

ByAkila Ramakrishnan

Published on: December 28, 2025 at 9:01 pm

சென்னை டிசம்பர் 28, 2025; பிரபல இயக்குனர் சுதா கொங்காரா டைரக்ஷனில், நடிகர் சிவகார்த்திகேயன் நடித்துள்ள திரைப்படம் பராசக்தி. கடந்த காலத்தில் நிகழ்ந்த ஹிந்தி எதிர்ப்பு போராட்டத்தை மையப்படுத்தி இந்த திரைப்படம் எடுக்கப்பட்டுள்ளது என கூறப்படுகிறது. இந்தத் திரைப்படத்தின் போஸ்டர்கள் அண்மையில் வெளியாகின. அதில் தமிழில் வாழ்க எனவும் தெலுங்கு பதிப்பில் தெலுங்கு வாழ்க எனவும் காணப்பட்டது.

இது சமூக வலைதளங்களில் விவாதத்தை கிளப்பியது; இதற்கிடையில் டைரக்டர் சுதா, சாதிக்கு எதிராக சில கருத்துக்களை தெரிவித்து இருந்தார். இந்த நிலையில் அவருக்கு எதிராகவும் சமூக வலைதளங்களில் சிலர் பேசவும் எழுதவும் செய்தனர். இவ்வாறு பராசக்தி திரைப்படம் தொடர்ந்து பெரும் பரபரப்பை ஏற்படுத்தி வருகிறது. இந்த நிலையில் பராசக்தி திரைப்படத்தின் புதிய வீடியோ ஒன்று தற்போது வெளியாகி உள்ளது. இது ரசிகர்கள் மத்தியில் நல்ல வரவேற்பை பெற்றுள்ளது.

பராசக்தி திரைப்படத்தில் நடிகர் சிவகார்த்திகேயன் கதாநாயகனாகவும், நடிகர் ரவி மோகன் எதிர்மறை கதாபாத்திரத்திலும் நடித்துள்ளார் என கூறப்படுகிறது.

இதையும் படிங்க; ரசிகை மரணம்.. பிரபல நடிகர் பெயர் குற்றப்பத்திரிக்கையில் சேர்ப்பு.. முழு விவரம்!