வங்கதேசத்தில் மீண்டும் அரசியல் தலைவர் மீது துப்பாக்கிச் சூடு.. யார் இந்த ஷிக்தர்?

Bangladesh student leader Murder: ஒஸ்மான் ஹாடியின் மறைவு சுவடு மறைவதற்குள் அடுத்த மாணவர் தலைவர் ஒருவர் தலையில் சுடப்பட்டு உயிரிழந்துள்ளார்.

வங்கதேசத்தில் மீண்டும் பதற்றம்

ByLeela Sankar

Published on: December 22, 2025 at 5:13 pm

டாக்கா, டிச.22, 2025: வங்கதேசத்தில் மாணவர் தலைவர் உஸ்மான் ஹாடி மரணமடைந்த சில நாள்களுக்குப் பிறகு, இன்று (திங்கட்கிழமை) மற்றொரு மாணவர் தலைவர் மீது துப்பாக்கிச் சூடு நடத்தப்பட்டது. இதில், பாதிக்கப்பட்டவர் மொத்தலேப் ஷிக்தர் என அடையாளம் காணப்பட்டுள்ளார்.
இவர் குல்னா பகுதியில் துப்பாக்கிச் சூட்டுக்கு இலக்காகியுள்ளார். தாக்குதலாளர்கள் அவரது தலையை குறிவைத்து சுட்டதாக டெய்லி ஸ்டார் செய்தியில் தெரிவிக்கப்பட்டுள்ளது.

தலைக்கு குறி

இது குறித்து வங்கதேசத்தின் சோனாடாங்கா மாடல் போலீஸ் நிலையத்தின் விசாரணை பொறுப்பாளர் அனிமேஷ் மொண்டோல் செய்தியாளர்களிடம் கூறுகையில், “தாக்குதலாளர்கள் காலை 11:45 மணியளவில் அவரது தலையை குறிவைத்து துப்பாக்கிச் சூடு நடத்தினர். அவர் குல்னா மருத்துவக் கல்லூரி மருத்துவமனைக்கு ஆபத்தான நிலையில் கொண்டு செல்லப்பட்டார்” என்றார்.

யார் இந்த ஷிக்தர்?

மொத்தலேப் ஷிக்தர் பங்களாதேஷின் நேஷனல் சிட்டிசன் பார்ட்டி (NCP) தலைவராக உள்ளார். இவர் குல்னா பிராந்தியத் தலைவர் மற்றும் NCP ஸ்ரமிக் சக்தியின் மத்திய ஒருங்கிணைப்பாளர் ஆக பணியாற்றி வந்தார்.
இந்த நிலையில், இந்த சம்பவம் தொடர்பாக, கட்சியின் கூட்டு பிரதான ஒருங்கிணைப்பாளர் மஹ்முதா மிது தனது பேஸ்புக் அறிக்கையில் தகவல் வெளியிட்டுள்ளார்.

உஸ்மான் ஹாடி கொலை

2024 மாணவர் எழுச்சியில் வங்கதேசத்தின் தலைவராக இருந்த உஸ்மான் ஹாடி, கடந்த வியாழக்கிழமை உயிரிழந்தார். அவர் டிசம்பர் 12 அன்று டாக்காவில் நடந்த தாக்குதலில் துப்பாக்கிச் சூட்டில் காயமடைந்தார். அந்த காயங்களால் சிகிச்சை பெற்றுவந்த நிலையில், இறுதியில் உயிரிழந்தார்.

இந்த அரசியல் சம்பவங்கள் வங்கதேசத்தில், மாணவர் இயக்கத்துடன் தொடர்புடைய அரசியல் வன்முறையின் தீவிரத்தைக் காட்டுகிறது என்பது குறிப்பிடத்தக்கது.

இதையும் படிங்க: மாணவர் தலைவர் ஒஸ்மான் மரணம்.. வங்கதேசத்தில் இந்திய கலாசார மையத்துக்கு தீவைப்பு!