இந்திரா காந்தி ஆக கங்கனா ரணாவத்: எமர்ஜென்சி படத்துக்கு தணிக்கை குழு பச்சைக்கொடி?

கங்கனா ரனாவத்தின் எமர்ஜென்சி திரைப்படத்துக்கு யூ/ஏ சான்றிதழ் வழங்கப்பட்ட உள்ளதாக தகவல் வெளியாகி உள்ளது. சில சர்ச்சைக்குரிய காட்சிகளை நீக்கிவிட்டு மத்திய திரைப்படத் தணிக்கை வாரியத்தின் (CBFC) ஆய்வுக் குழு எமர்ஜென்சி படத்துக்கு ‘UA’ சான்றிதழை வழங்கலாம் என்ற தகவல் வெளியாகி உள்ளது.
இந்தப் படம் ஜூலை 8ஆம் தேதி தணிக்கை குழுவுக்கு சமர்பிக்கப்பட்டது. அப்போது படத்தில் சர்ச்சைக் காட்சிகள் இருப்பதாக விமர்சனங்கள் எழுந்தன. இதனால் படம் வெளியாவதில் சிக்கல் ஏற்பட்டது. இந்தப் படத்தில் வெளிநாட்டு தலைவர்கள் குறித்தும் சர்ச்சைக்குரிய காட்சிகள் இருப்பதாக நம்பப்படுகிறது.

இதனால் தணிக்கை சான்றிதழ் பெறுவதில் சிக்கல் எழுந்தது. இந்த நிலையில் தனது அதிருப்தியை கங்கனா ரணாவத் எழுப்பி இருந்தார். இதற்கிடையில் மத்திய தணிக்கை குழு அதிகாரிகள் படக்குழுவினரிடம் சில ஆதாரங்களை கோரியுள்ளனர். இந்த ஆதாரங்களை படக்குழு சமர்பிக்கும்பட்சத்தில் படத்துக்கு யூஏ சான்றிதழ் கிடைக்கும் என எதிர்பார்க்கப்படுகிறது.

மேலும், படத்தில் உள்ள 3 காட்சிகளுக்கு தணிக்கை குழு கட் தெரிவித்துள்ளது. இதில் ஒரு காட்சியை நீக்க படக்குழு சம்மதிக்கவில்லை என்று கூறப்படுகிறது. அந்தக் காட்சி படத்துக்கு மிகவும் அவசியம் என அவர்கள் கூறியுள்ளனர். எனினும் இந்தக் காட்சியை தணிக்கை குழு அனுமதிக்கவில்லை என்ற தகவல் வெளியாகி உள்ளது.

இருப்பினும் அந்த சர்ச்சைக்குரிய காட்சிகள் படத்தில் இருந்து மத்திய தணிக்கை குழு அதிகாரிகளால் நீக்கப்பட்டுள்ளன. முன்னதாக நடிகை கங்கனா ரணாவத் தனது ட்விட்டர் எக்ஸ் பக்கத்தில், ““எனது இயக்குனரின் எமர்ஜென்சி ஒத்திவைக்கப்பட்டுள்ளது என்பதை கனத்த இதயத்துடன் அறிவிக்கிறேன். தணிக்கை குழுவின் சான்றிதழுக்காக இன்னும் காத்திருக்கிறோம். புதிய ரிலீஸ் தேதி விரைவில் அறிவிக்கப்படும். உங்கள் புரிதலுக்கும் பொறுமைக்கும் நன்றி” எனத் தெரிவித்து இருந்தார்.

எமர்ஜென்சி படத்தில் அனுபம் கெர், ஷ்ரேயாஸ் தல்படே, மஹிமா சவுத்ரி மற்றும் மறைந்த சதீஷ் கௌஷிக் உள்ளிட்டோர் நடித்துள்ளனர். படத்தில் இந்திரா காந்தியாக கங்கனா ரணாவத் நடித்துள்ளார்.

இதையும் படிங்க : இந்திரா காந்தி சோசியலிஸ்ட் அல்ல; ராகுல் குழப்பவாதி: கங்கனா ரணாவத்

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்