ருசி அள்ளும் கருப்பு கடலை கறி குழம்பு.. இப்படி செஞ்சு அசத்துங்க!

Food: இட்லி, தோசை, சப்பாத்தி போன்ற அனைத்துடரும் சேர்த்து சாப்பிடக்கூடிய சுவையான கருப்பு கடலை கறி இப்படி செஞ்சு பாருங்க.

கருப்பு கடலை கறி குழம்பு

how to make peanut curry follow the simple steps

ByPushpa Gopinath

Published on: March 3, 2025 at 4:25 pm

மட்டன் குழம்பை மிஞ்சும் சுவையில் சுவையான கருப்பு கடலை கறி எப்படி செய்யலாம் என்று பார்க்கலாம்.

தேவையான பொருள்கள்

எண்ணெய் -3 டேபிள்ஸ்பூன்
சீரகம் -1 டீஸ்பூன்
உப்பு – தேவையான அளவு
இஞ்சி பூண்டு விழுது -1 டேபிள்ஸ்பூன்
மிளகாய் தூள் -1 டேபிள் ஸ்பூன்
மல்லித்தூள் -1½ டேபிள் ஸ்பூன்
மஞ்சள் தூள் -½ டீஸ்பூன்
தக்காளி -2
கருப்பு கொண்டைக்கடலை -1கப்

அரைக்க வேண்டியவை

சீரகம் -1 டீஸ்பூன்
சோம்பு-½ டீஸ்பூன்
மிளகு -½ டீஸ்பூன்
கிராம்பு- 2
ஏலக்காய்- 2
பட்டை -1
பிரியாணி இலை -1
முந்திரி பருப்பு – 5
கல்பாசி -1
வெங்காயம் -1

செய்முறை

ஒரு கடாயில் சீரகம், சோம்பு, மிளகு, கிராம்பு, ஏலக்காய் பட்டை பிரியாணி இலை, முந்திரிப் பருப்பு மற்றும் கல்பாசி சேர்த்து அடுப்புத் தீயை மீடியம் ஃப்ளேமில் வைத்து வறுக்கவும். இவை நல்ல மனம் வந்து பொன்னிறமாக வறுபட்டதும் ஒரு மிக்ஸி ஜாரில் சேர்த்து மை போன்று அரைக்க வேண்டும். பின்னர் இதனுடன் ஒரு பெரிய வெங்காயத்தை நறுக்கி சேர்த்து விழுதாக அரைத்துக் கொள்ளவும்.

தேவைப்பட்டால் சிறிது தண்ணீர் சேர்த்துக் கொள்ளலாம். ஒரு குக்கரில் எண்ணெய் சேர்த்து எண்ணெய் காய்ந்ததும் அதில் சீரகம் மற்றும் ஏற்கனவே தயார் செய்து வைத்த மசாலா விழுதினை சேர்த்து அடுப்பு தீயை லோ ஃப்ளேமில் வைத்து வதக்கவும். மசாலாவின் பச்சை வாடை நீங்கிய பின்னர் இதனுடன் இஞ்சி பூண்டு விழுது சேர்த்து வதக்கவும்.

இதையும் படிங்க தயிர், சாம்பார் சாதத்துக்கு ருசி அள்ளும்.. கத்தரிக்காய் வறுவல் இப்படி பண்ணுங்க!

விழுதின் பச்சை வாடை நீங்கிய பின்னர் இதனுடன் மிளகாய்த்தூள், மல்லித்தூள், மஞ்சள்தூள் சேர்த்து வதக்கவும். பின்னர் இதனுடன் இரண்டு தக்காளியை அரைத்து சேர்க்க வேண்டும். தக்காளி நன்கு வதங்கிய பின்னர் இதனுடன் எட்டு மணி நேரம் ஊறவைத்த கருப்பு கொண்ட கடலையை சேர்த்து கலந்து விட வேண்டும்.

பின்னர் தேவையான அளவு தண்ணீர் சேர்த்து உப்பு சரிபார்த்துக் கொண்டு குக்கரை மூடி ஐந்து விசில் வைத்து கடலையை வேக வைக்கவும். விசில் வந்த பின்னர் குக்கரில் ஆவி முழுவதும் வெளியேறியதும் குக்கரை திறக்கவும். இப்போது சுவையான கொண்டக்கடலை கறி தயார். இதை சாதம், இட்லி, தோசை, சப்பாத்தி போன்ற அனைத்துடரும் சேர்த்து சாப்பிட சுவையாக இருக்கும்.

இதையும் படிங்க மட்டன் சுவையில் காலிஃபிளவர் கோலா உருண்டை கிரேவி – இப்டி செஞ்சு பாருங்க!