Atishi resigns as Delhi CM: டெல்லி முதலமைச்சர் அதிஷி தனது ராஜினாமா கடிதத்தை துணை நிலை ஆளுநர் வி.கே சக்சேனாவிடம் வழங்கினார்.
Atishi resigns as Delhi CM: டெல்லி முதலமைச்சர் அதிஷி தனது ராஜினாமா கடிதத்தை துணை நிலை ஆளுநர் வி.கே சக்சேனாவிடம் வழங்கினார்.
Published on: February 9, 2025 at 12:42 pm
டெல்லி முதலமைச்சர் அதிஷி ராஜினாமா: டெல்லி முதலமைச்சர் அதிஷி ஞாயிற்றுக்கிழமை (பிப். 9, 2025) லெப்டினன்ட் கவர்னர் வி.கே. சக்சேனாவை சந்தித்து தனது ராஜினாமாவை அவரிடம் சமர்ப்பித்தார்.
துணை நிலை ஆளுநர் சக்சேனா ராஜினாமாவைப் பெற்று, புதிய அரசாங்கம் அமைக்கும் வரை தனது பதவியில் தொடருமாறு கேட்டுக் கொண்டார்.
டெல்லி முதலைமச்சர் அதிஷி, பாரதிய ஜனதா கட்சி (பாஜக) வேட்பாளர் ரமேஷ் பிதூரியை 3,521 வாக்குகள் வித்தியாசத்தில் தோற்கடித்து கல்காஜியில் தனது இடத்தைத் தக்க வைத்துக் கொண்டார்.
எனினும், ஆம் ஆத்மி கட்சி டெல்லி சட்டமன்றத் தேர்தலில் 22 இடங்களை மட்டுமே பெற்று தோல்வியடைந்தது. பாஜக 48 இடங்கள் பெற்று தனிப்பெரும்பான்மை உடன் ஆட்சியமைக்க உள்ளது.
கல்காஜி தொகுதியில் போட்டியிட்ட அதிஷி 52,154 வாக்குகளைப் பெற்றார். அவருக்கு எதிராக ரமேஷ் பிதுரி 48,633 வாக்குகளைப் பெற்றார். காங்கிரஸின் அல்கா லம்பா 4,392 வாக்குகளைப் பெற்றார்.
இந்நிலையில், பா.ஜ.க மற்றும் ஆம் ஆத்மி கட்சிகளின் வாக்குப் பங்கு சதவீதம் முறையே 45.56% மற்றும் 43.57% ஆக உள்ளது.
இந்நிலையில், காங்கிரஸ் கட்சி தொடர்ச்சியாக மூன்றாவது முறையாக ஒரு இடத்தைக் கூட வெல்லத் தவறிவிட்டது.
அக்கட்சியின் பெரும்பாலான வேட்பாளர்கள் தங்கள் வைப்புத்தொகையை இழந்துள்ளனர். இந்த நிலையில், தேர்தலில் வென்ற பாஜக இன்னும் தங்கள் முதலமைச்சரை அறிவிக்கவில்லை.
தேர்தல் பிரச்சாரத்தின் போது, முதல்வர் வேட்பாளரை அறிவிக்காமல், பிரதமர் நரேந்திர மோடியின் பெயரில் வாக்குகளை அக்கட்சி கேட்டது என்பது குறிப்பிடத்தக்கது.
இதையும் படிங்க : 67 தொகுதிகளில் டெபாசிட் இழந்த காங்கிரஸ்; அதிர்ச்சி கொடுத்த டெல்லி!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
