Donald Trump : அமெரிக்க அதிபர் டொனால்ட் ட்ரம்ப்- இஸ்ரேல் பிரதமர் கூடன் திடீர் வாக்குவாதத்தில் ஈடுபட்டுள்ளார்.
Published on: June 3, 2026 at 8:24 pm
நியூயார்க், ஜூன் 3, 2026: அமெரிக்க அதிபர் டொனால்ட் டிரம்ப், இஸ்ரேல் பிரதமர் பெஞ்சமின் நெதன்யாகுவுடன் நடந்த கடுமையான தொலைபேசி உரையாடலுக்குப் பிறகு, ஈரான் புதிய உச்சத் தலைவர் மொஜ்தபா காமனெய்யை சந்திக்க விருப்பம் இருப்பதாக தெரிவித்துள்ளார்.
இந்தக் கருத்து, அமெரிக்கா–இஸ்ரேல் கூட்டுப் போர் மற்றும் ஈரான் இடையேயான பதற்றமான சூழலில் வெளிப்பட்டுள்ளது.
அமெரிக்கா–இஸ்ரேல் கூட்டுப் படைகள் பிப்ரவரி 28 அன்று ஈரானை தாக்கியதில், அப்போதைய உச்சத் தலைவர் ஆயத்துல்லா அலி காமனெய் உயிரிழந்தார்.
பின்னர், அவரது மகன் 56 வயதான ஆயத்துல்லா மொஜ்தபா காமனெய் ஈரானின் புதிய உச்சத் தலைவராக அறிவிக்கப்பட்டார். இந்நிலையில், டிரம்ப், மொஜ்தபா காமனெய் தாக்குதல்களில் கடுமையாக காயமடைந்திருக்கலாம் எனக் கூறியுள்ளார். இது குறித்து ட்ரம்ப், “அவரின் உடல்நிலை சிறப்பாக இல்லை, பல்வேறு உறுப்புகளை இழந்திருக்கிறார்” என்றார்.
ட்ரம்ப் பேச்சு
இது தொடர்பாக, நியூயார்க் போஸ்ட் வெளியிட்ட “Pod Force One” பாட்காஸ்டில் பேசிய டிரம்ப், “நாம் ஒருநாள் சந்திப்போம், சூழ்நிலைகள் எப்படி மாறுகின்றன என்பதைப் பொறுத்தது” எனக் கூறினார். அவர், ஈரான்–அமெரிக்க பேச்சுவார்த்தைகளில் இறுதி முடிவுகளை மொஜ்தபா காமனெய் எடுத்து வருகிறார் என நம்புவதாகவும் தெரிவித்தார்.
இதே நேரத்தில், டிரம்ப்–நெதன்யாகு தொலைபேசி உரையாடல் மிகவும் கடுமையாக இருந்ததாக தகவல்கள் வெளியாகியுள்ளன. டிரம்ப், “நீ பைத்தியமா? நான் உன்னை சிறையில் போகாமல் காப்பாற்றினேன்” எனக் கோபமாகக் கூறியதாக சில அறிக்கைகள் தெரிவித்துள்ளன.
இதற்கிடையில், அமெரிக்க அதிபர் டொனால்ட் டிரம்ப், லெபனானுடன் இஸ்ரேல் தொடர்ந்து மோதுவது குறித்து கடும் அதிருப்தி தெரிவித்தார்.
இஸ்ரேல், ஹெஸ்பொல்லா மீது தெற்கு லெபனானில் தாக்குதலை அதிகரித்துள்ள நிலையில், அமெரிக்கா ஈரானுடன் அமைதி ஒப்பந்தம் செய்து ஹோர்முஸ் நீரிணையை மீண்டும் திறக்கவும், அணு திட்டத்தை கட்டுப்படுத்தவும் முயற்சி செய்து வருகிறது. இந்த தொலைபேசி உரையாடல், அமெரிக்கா–இஸ்ரேல் உறவுகள் எவ்வளவு பதற்றமாக உள்ளன என்பதை வெளிப்படுத்துகிறது என்பது குறிப்பிடத்தக்கது.
WB Leader of Opposition : மேற்கு வங்க சட்டமன்ற எதிர்க்கட்சித் தலைவர் விவகாரத்தில் மம்தா பானர்ஜிக்கு பெரும் பின்னடைவு ஏற்பட்டுள்ளது….
Donald Trump : அமெரிக்க அதிபர் டொனால்ட் ட்ரம்ப்- இஸ்ரேல் பிரதமர் கூடன் திடீர் வாக்குவாதத்தில் ஈடுபட்டுள்ளார்….
Karnataka New CM: கர்நாடக மாநில காங்கிரஸ் தலைவர் டி.கே. சிவக்குமார் அம்மாநில முதலமைச்சராக பதவியேற்றார்….
Pakistan Coach Hesson : பாகிஸ்தான் பந்துவீச்சுப் பயிற்சியாளர் மைக் ஹெசன், ஆஸ்திரேலியாவுக்கு எதிரான முதல் ஒருநாள் போட்டியில் பயன்படுத்தப்பட்ட ஸ்பின் பந்துவீச்சுக்கு ஏற்ற பிட்ச்-ஐ தேர்வு…
Kangana Raises Childcare Concern : “பணிக்கு செல்லும் தாய்மார்கள், தங்களின் குழந்தைகளை அவர்களுடன் அழைத்துச் செல்லும் வசதிகள் ஏன் இல்லை” என நடிகை கங்கனா…
Tamil News Updates June 3 2026 : தமிழ்நாடு மற்றும் நாட்டின் பிற பகுதிகளில் நடக்கும் முக்கிய நிகழ்வுகள் குறித்த சுருக்கத்தை இங்கு பார்க்கலாம்….
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
