“அவர்கள் என்னைக் கொல்லக் கூடும்”.. ஷேக் ஹசீனா பரபரப்பு பேட்டி!

Sheikh Hasina : “அவர்கள் என்னைக் கொல்லக் கூடும்” என வங்கதேசத்தின் முன்னாள் பிரதமர் ஷேக் ஹசீனா உருக்கமாக தெரிவித்துள்ளார்.

ஷேக் ஹசீனா

BySaranya JK

Published on: July 10, 2026 at 7:00 pm

Updated on: July 10, 2026 at 7:01 pm

புதுடெல்லி, ஜூலை 10, 2026: வங்கதேசத்தின் முன்னாள் பிரதமர் ஷேக் ஹசீனா, தாம் 2026 டிசம்பர் மாதத்தில் நாடு திரும்பத் திட்டமிட்டிருப்பதாகவும், அதனால் உயிருக்கு ஆபத்து ஏற்பட்டாலும் ‘சொந்த மண்ணிலேயே’ மரணம் நிகழ விருப்பம் எனத் தெரிவித்துள்ளார். 2024-ஆம் ஆண்டு நாட்டை விட்டு வெளியேறிய அவர், தாமும் அவாமி லீக் தலைவர்களும் தாமாகவே நீதிமன்றத்தில் ஆஜராக விரும்புவதாக கூறியுள்ளார்.

அவரது வாக்குமூலத்தில், “அவர்கள் என்னைக் கொல்லக்கூடும். ஆனால், நான் என் நாட்டில் இறக்க விரும்புகிறேன். வெளிநாட்டில் அல்ல” என்று வலியுறுத்தினார். இது, அரசியல் சூழ்நிலைகளும், பாதுகாப்பு சவால்களும் இன்னும் கடுமையாக உள்ள நிலையில், அவரது திரும்பும் முடிவை மிகுந்த ஆபத்தானதாக ஆக்கியுள்ளது.

அவாமி லீக் தலைவர்களும், ஹசீனாவுடன் சேர்ந்து நீதிமன்றத்தில் ஆஜராகத் தயாராக இருப்பதாகவும், தங்கள் மீது உள்ள வழக்குகளை நேரடியாக எதிர்கொள்ள விரும்புவதாகவும் தெரிவித்துள்ளனர். இதன் மூலம், கட்சியின் அரசியல் நிலைப்பாட்டை வலுப்படுத்தும் முயற்சியாகவும், பொதுமக்களிடம் தன்னம்பிக்கையை ஏற்படுத்தும் நடவடிக்கையாகவும் பார்க்கப்படுகிறது.

இந்த அறிவிப்பு, வங்கதேச அரசியலில் புதிய பரபரப்பை ஏற்படுத்தியுள்ளது. ஹசீனாவின் நாடு திரும்பும் முடிவு, எதிர்க்கட்சிகளின் எதிர்வினை, பாதுகாப்பு ஏற்பாடுகள் மற்றும் நீதிமன்ற நடவடிக்கைகள் ஆகியவை அடுத்த மாதங்களில் முக்கியமான விவாதங்களாக மாறும் என எதிர்பார்க்கப்படுகிறது.

வங்கதேசத்தில் மரண தண்டனை விதிக்கப்பட்டு, தனது அவாமி லீக் கட்சிக்குத் தடை விதிக்கப்பட்டதைத் தொடர்ந்து அந்நாட்டின் முன்னாள் பிரதமர் ஷேக் ஹசீனா, இந்தியாவில் வசித்து வருகிறார் என்பது குறிப்பிடத்தக்கது.

இதையும் படிங்க : அச்சத்தில் நடுங்கும் சீனா.. பண்ணையில் இருந்த தப்பித்த ஆயிரக்கணக்கான பாம்புகள்!