‘ட்ரம்ப் தனக்காக போராடுகிறார்; அமெரிக்க மக்களுக்காக அல்ல’- கமலா ஹாரிஸ்

US presidential election | ஜனநாயகக் கட்சியின் ஜனாதிபதி வேட்பாளரும் துணை ஜனாதிபதியுமான கமலா ஹாரிஸ் மற்றும் குடியரசுக் கட்சியின் ஜனாதிபதி வேட்பாளரும் முன்னாள் ஜனாதிபதி டொனால்ட் டிரம்பும் செவ்வாய்க்கிழமை (செப். 10, 2024) விவாதத்தில் பங்கேற்கின்றனர்.
இருவரும் அதிபர் விவாதத்துக்கு தீவிரமாக தயாராகிவருகின்றனர். இதற்காக கமலா ஹாரிஸ், பிட்ஸ்பர்க் நகரத்தில் உள்ள வரலாற்றுச் சிறப்புமிக்க ஹோட்டலில் தங்கியுள்ளார். இவர் அங்கு நிபுணர்களுடன் ஆலோசித்துவருகிறார்.

செவ்வாய்க்கிழமை அதிபர் தேர்தல் விவாதம்

ஆனால் டொனால்ட் ட்ரம்ப் இதையெல்லாம் பெரிதாக கருதவில்லை எனக் கூறப்படுகிறது. விவாத மேடையில் அவர் காலடி எடுத்து வைத்தவுடன், அவர் என்ன செய்ய வேண்டும் என்பதை அவர் அறிந்து கொள்வார் என்ற அடிப்படையில் தயாராகிவருகிறார் எனக் கூறப்படுகிறது.
இதற்கிடையில், குத்துச்சண்டை ஜாம்பவான் மைக் டைசனை மேற்கோள் காட்டி டொனால்ட் ட்ரம்ப், “அனைவருக்கும் அவர்கள் முகத்தில் குத்தும் வரை ஒரு திட்டம் இருக்கும்” என்றார்.

‘தனக்காக போராடும் ட்ரம்ப்’

இதற்குப் பதிலளித்த கமலா ஹாரிஸ், “மிஸ்டர் டிரம்ப் அவமானங்களைத் துடைக்கவும், உண்மைகளைத் தவறாகப் பிரதிநிதித்துவப்படுத்தவும் தயாராக இருக்கிறேன்” எனத் தெரிவித்துள்ளார்.
ரிக்கி ஸ்மைலி மார்னிங் ஷோவுக்கான வானொலி நேர்காணலில் ஹாரிஸ், “அவர் (ட்ரம்ப்) தனக்காக போராட முனைகிறார், அமெரிக்க மக்களுக்காக அல்ல, அது விவாதத்தின் போது வெளிவரும் என்று நான் நினைக்கிறேன்” என்றார். மேலும், டிரம்பை ஆழ்ந்த உளவியல் மட்டத்தில் இருந்து புரிந்துக் கொண்டதாக கமலா ஹாரிஸ் கூறியுள்ளார்.

இதையும் படிங்க : ஃபிரான்ஸ் நாட்டின் புதிய பிரதமர் மைக்கேல் பார்னியர்: யார் இவர்?

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்