Reciprocal tariffs: ட்ரம்ப் பிடியில் இருந்து தப்பித்த ஸ்மார்ட்போன்.. புதிய தகவல்!

Reciprocal tariffs: அமெரிக்க அதிபர் டொனால்ட் டிரம்ப் ஸ்மார்ட்போன்கள், கணினிகள் மற்றும் பிற மின்னணு சாதனங்களை பரஸ்பர வரி விதிப்பு பட்டியலில் இருந்து விலக்கு அளித்துள்ளார்.

அமெரிக்க அதிபர் டொனால்ட் டிரம்ப்

ByLeela Sankar

Published on: April 13, 2025 at 10:56 am

நியூயார்க், ஏப்.13 2025: அமெரிக்க அதிபர் டொனால்ட் டிரம்பின் நிர்வாகம் இந்த மாத தொடக்கத்தில் அறிவித்த பரஸ்பர கட்டணங்களிலிருந்து ஸ்மார்ட்போன்கள், கணினிகள் மற்றும் பிற மின்னணு சாதனங்களுக்கு விலக்கு அளித்துள்ளது.இது நுகர்வோர் மத்தியில் பெரும் வரவேற்பை அளித்துள்ளது. இதற்கிடையில், இதனை ஆப்பிள் மற்றும் சாம்சங் உள்ளிட்ட மின்னணு நிறுவனங்கள் வரவேற்றுள்ளன.

இவை பொதுமக்களுக்கு பயனளிக்கும் நேரத்தில், அமெரிக்க சந்தையை அணுகுவதை எளிதாக்கும் எனவும் கூறப்படுகிறது. முன்னதாக, ப்ளூம்பெர்க் அறிக்கையின்படி, வெள்ளிக்கிழமை (ஏப்.11 2025) பிற்பகுதியில் அமெரிக்க சுங்கம் மற்றும் எல்லைப் பாதுகாப்பு (CBP) வரி விதிப்பில் இருந்து சில விலக்குகளை அறிவித்தது. அதில், டிரம்பின் 145 சதவீத சீன வரியிலிருந்தும், கிட்டத்தட்ட அனைத்து பிற நாடுகள் மீதான அவரது அடிப்படை 10 சதவீத உலகளாவிய வரியிலிருந்தும் வரி குறைப்பு நடவடிக்கைகள் அறிவிக்கப்பட்டன.

இதற்கிடையில், இந்த வரி விலக்குகள் ஸ்மார்ட்போன்கள், மடிக்கணினி கணினிகள், ஹார்டு டிரைவ்கள் மற்றும் கணினி செயலிகள் மற்றும் மெமரி சிப்களுக்கு பொருந்துகின்றன எனக் கூறப்படுகிறது. மேலும், பிரபலமான நுகர்வோர் மின்னணு பொருட்கள் பொதுவாக அமெரிக்காவில் தயாரிக்கப்படுவதில்லை. இதனால், உள்நாட்டு உற்பத்தியை அமைப்பதற்கு நீண்ட காலம் பிடிக்கும். இதனை கருத்தில் கொண்டு இந்த நடவடிக்கை எடுக்கப்பட்டிருக்கலாம் எனக் கூறப்படுகிறது.

இதையும் படிங்க அமெரிக்காவில் இந்தியருக்கு 35 ஆண்டுகள் சிறை: செய்த குற்றம் என்ன?