ஒன்பிளஸ் புதிய பட்ஜெட் ஸ்மார்ட்போன்.. விலை என்ன தெரியுமா?

OnePlus smartphone: ஒன்பிளஸ் நிறுவனம் இந்தியாவில் தனது புதிய பட்ஜெட் ஸ்மார்ட்போன் அறிமுகமாகியுள்ளது; இதில் குறிப்பிட்ட கிரெடிட் கார்டுகளுக்கு ரூ.1,500 வரை தள்ளுப்படியும் கிடைக்கிறது.

ஒன்பிளஸ் நிறுவன ஸ்மார்ட்போன்

ByPushpa Gopinath

Published on: August 3, 2026 at 1:43 pm

புதுடெல்லி, ஆக.3, 2026: ஒன்பிளஸ் நிறுவனம் இந்தியாவில் தனது புதிய பட்ஜெட் ஸ்மார்ட்போன் OnePlus N6x-ஐ அறிமுகப்படுத்தியுள்ளது. ஆகஸ்ட் 4 முதல் விற்பனைக்கு வரும் இந்த மாடல், OxygenOS 16-ல் இயங்குகிறது. மேலும், 7,000mAh பேட்டரியுடன் வருகிறது. கடந்த மாதம் அறிமுகமான OnePlus N6 மாடலின் 8,000mAh பேட்டரியுடன் ஒப்பிடுகையில், இது சிறிய அளவிலான பேட்டரியைக் கொண்டுள்ளது.

இந்த ஸ்மார்ட்போன் MIL-STD-810H தரநிலை மற்றும் IP64 தூசி, நீர் எதிர்ப்பு வசதியுடன் கூடிய பாலிகார்பனேட் அமைப்பைக் கொண்டுள்ளது. ‘ஐசி ப்ளூ’ மற்றும் ‘பர்கண்டி ரெட்’ நிறங்களில் கிடைக்கும் இதில், 6.8 அங்குல HD+ LCD திரை, 120Hz புதுப்பிப்பு வீதம், 1570×720 பிக்சல் தீர்மானம் மற்றும் 900 நிட்ஸ் அதிகபட்ச பிரகாசம் ஆகியவை வழங்கப்பட்டுள்ளன.

செயல்திறனைப் பொறுத்தவரை, OnePlus N6x ஆனது மீடியாடெக் டைமன்சிட்டி 6360 அபெகஸ் சிப்செட் மூலம் இயக்கப்படுகிறது. 4GB RAM மற்றும் 128GB சேமிப்பு வசதி கொண்ட இது, Android 16 அடிப்படையிலான OxygenOS 16-ல் இயங்குகிறது. வெப்பத்தை வெளியேற்றுவதற்காக 13280 mm² அளவுள்ள ‘வேப்பர் கூலிங் சேம்பர்’ வசதி வழங்கப்பட்டுள்ளது.

விலை விவரங்களைப் பொறுத்தவரை, 4GB RAM + 64GB சேமிப்பு கொண்ட அடிப்படை மாடல் ₹18,999 ஆகும். 4GB RAM + 128GB சேமிப்பு கொண்ட உயர் ரக மாடல் ₹20,499 ஆகும். முதல் விற்பனையின் போது குறிப்பிட்ட கிரெடிட் கார்டுகள் மற்றும் EMI பரிவர்த்தனைகளுக்கு ₹1,500 உடனடி தள்ளுபடி வழங்கப்படுகிறது. இதனால், 64GB மாடலின் விலை ₹17,499 ஆகவும், 128GB மாடலின் விலை ₹19,499 ஆகவும் குறைகிறது என்பது குறிப்பிடத்தக்கது.

இதையும் படிங்க : வாட்ஸ்அப் செயலியில் வந்தாச்சு அசத்தல் அப்டேட்.. என்ன தெரியுமா?