‘நம்ம மெரினா நம்ம பெருமை’: ரோந்து வாகனங்களை தொடங்கிவைத்த உதயநிதி!

சென்னை மாநகராட்சி சார்பில் மெரினா மற்றும் பெசன்ட் நகர் கடற்கரைகளில் தூய்மைப் பணிகளை கண்காணிக்க பயன்படுத்தப்படவுள்ள ரோந்து வாகனங்களை அமைச்சர் உதயநிதி ஸ்டாலின் இன்று தொடங்கிவைத்தார்.

இது குறித்து ட்விட்டர் எக்ஸ் தளத்தில் அமைச்சர் உதயநிதி, “நம்முடைய சிங்காரச் சென்னையின் அடையாளங்களில் ஒன்றாகத் திகழும் மெரினா கடற்கரையினை அழகோடும் சுத்தமாகவும் பராமரிக்க கழக அரசு எப்போதும் முன்னுரிமை கொடுத்து வருகிறது.

அந்த வகையில், சென்னை மாநகராட்சி சார்பில் மெரினா மற்றும் பெசன்ட் நகர் கடற்கரைகளில் தூய்மைப் பணிகளை கண்காணிக்க பயன்படுத்தப்படவுள்ள All Terrain ரோந்து வாகனங்களின் பயன்பாட்டைCத் தொடங்கி வைத்தோம்.

மேலும், மணல் பரப்பை சுத்தம் செய்யும் எந்திரங்கள் மறுசீரமைப்பு செய்யப்பட்டுள்ள நிலையில், அவற்றையும் பயன்பாட்டிற்கு அர்ப்பணித்தோம்.

மாநகராட்சியால் முன்னெடுக்கப்பட்ட ‘’நம்ம மெரினா நம்ம பெருமை” விழிப்புணர்வு இயக்கத்தில், சிறப்பாக செயல்பட்ட 10 குழந்தைகளை பாராட்டி, அவர்களுக்கு சான்றிதழ்களை வழங்கினோம்” எனத் தெரிவித்துள்ளார்.

இந்த நிகழ்ச்சியில் சென்னை மேயர் பிரியா, தமிழக சுகாதாரத் துறை அமைச்சர் மா. சுப்பிரமணியன் மற்றும் தி.மு.க. நிர்வாகிகள் உள்ளிட்ட பலர் கலந்துகொண்டனர்.

வாட்ஸ்அப்பில் தொடர https://tinyurl.com/5fraa2jz