கவர்னரை சந்திக்கிறார் விஜய்.. நாளை முதலமைச்சராக பதவியேற்பு?

TVK Vijay: தமிழக வெற்றிக் கழகத் தலைவர் விஜய், இன்று கவர்னரை சந்தித்து ஆட்சியமைக்க உரிமை கோருகிறார்.

விஜய்

ByPushpa Gopinath

Published on: May 6, 2026 at 1:50 pm

சென்னை, மே 6, 2026: தமிழ்நாட்டில் அரசியல் வரலாற்றில் புதிய அத்தியாயம் தொடங்க உள்ளது. நடிகர்-அரசியல்வாதி ஜோசப் விஜய் தலைமையிலான தமிழக வெற்றி கழகம் (டி.வி.கே) 108 இடங்களை வென்று, நாளை மே 7 அன்று சென்னை ஜவஹர்லால் நேரு இன்டோர் ஸ்டேடியத்தில் முதலமைச்சராக பதவியேற்க உள்ளார். இன்று அவர் கவர்னர் ராஜேந்திர அர்லேகரை சந்தித்து அரசு அமைப்புக்கான அதிகாரப்பூர்வ ஆலோசனையை நடத்துகிறார்.

தமிழக வெற்றிக் கழகம் 108 இடங்களை வென்று, 234 உறுப்பினர்களைக் கொண்ட சட்டமன்றத்தில் மிகப்பெரிய கட்சியாக உருவெடுத்துள்ளது. தி.மு.க 59 இடங்கள் மட்டுமே பெற்றுள்ளது; மறுபுறம், அ.தி.மு.க 47 இடங்களில் நிறுத்தப்பட்டது. மேலும், இந்தத் தேர்தலில் மு.க. ஸ்டாலின் தனது கோளத்தூர் தொகுதியில் தோல்வியடைந்தது மிகப்பெரிய அதிர்ச்சியாகும்.

இதற்கிடையில் விஜய் பெரும்பான்மை பெற 118 இடங்கள் தேவை; அந்த வகையில், தமிழக வெற்றிக் கழகத்துக்கு இன்னும் 10 இடங்கள் குறைவாக உள்ளன. இதனால், காங்கிரஸ் (5), இந்திய கம்யூனிஸ்ட், மார்க்சிஸ்ட் கம்யூனிஸ்ட், விடுதலை சிறுத்தைகள் கட்சி, இந்திய யூனியன் முஸ்லிம் லீக் போன்ற சிறு கட்சிகளின் ஆதரவு மூலம் தமிழக வெற்றிக் கழகம் பெரும்பான்மை எட்டும் வாய்ப்பு உள்ளது. மேலும், காங்கிரஸ், இரண்டு அமைச்சரவைப் பதவிகள் பெறும் நிபந்தனையுடன் ஆதரவு அளிக்கத் தயாராக உள்ளது.

இந்த நிலையில், இன்று இன்று (மே 6) விஜய், கவர்னர் ராஜேந்திர அர்லேகரை சந்தித்து ஆட்சியமைக்க உரிமை கோருகிறார். மேலும், மே 7, காலை சென்னை ஜவஹர்லால் நேரு இன்டோர் ஸ்டேடியத்தில் பதவியேற்பு நடைபெற உள்ளது என்ற தகவல் வெளியாகியுள்ளது. தமிழ்நாட்டில் 1977க்குப் பிறகு தி.மு.க–அ.தி.மு.க கட்சிகளின் ஆட்சியைத் தாண்டி, மூன்றாவது சக்தி தமிழ்நாட்டில் ஆட்சிக்கு வரும் வரலாற்று நிகழ்வாகும் என்பது குறிப்பிடத்தக்கது.

இதையும் படிங்க : மாற்றத்திற்கான அரசியல் வெற்றி.. தமிழ்நாட்டு மக்களுக்கு நன்றி.. விஜய்