தமிழ்நாட்டில் ஒரே நாளில் 253 பேருக்கு டெங்கு பாதிப்பு.. எண்ணிக்கை 3,096 ஆக உயர்வு!

Dengue Cases Rise : தமிழ்நாட்டில் ஒரே நாளில் 253 பேருக்கு டெங்கு பாதிப்பு. ஏற்பட்டுள்ளதாக தகவல்கள் வெளியாகியுள்ளன. இதனால், பாதிக்கப்பட்டவர்களின் எண்ணிக்கை 3,096 ஆக அதிகரித்துள்ளது.

தமிழ்நாட்டில் டெங்கு பாதிப்பு அதிகரிப்பு

ByPushpa Gopinath

Published on: September 19, 2026 at 12:25 pm

சென்னை, செப்.19, 2026: தமிழ்நாட்டில் டெங்கு காய்ச்சல் பாதிப்பு தொடர்ந்து அதிகரித்து வருகிறது. நேற்று (செப்.18, 2026) ஒரே நாளில் 253 பேருக்கு டெங்கு காய்ச்சல் பாதிப்பு உறுதி செய்யப்பட்டுள்ளது. இதன் மூலம் மாநிலத்தில் டெங்கு காய்ச்சலால் பாதிக்கப்பட்டோரின் மொத்த எண்ணிக்கை 3,096 ஆக உயர்ந்துள்ளது ஒரே நாளில் அதிக எண்ணிக்கையிலான பாதிப்புகள் பதிவாகியிருப்பது சுகாதாரத்துறை அதிகாரிகளின் கவனத்தை பெற்றுள்ளது.

மாநிலத்தின் பல்வேறு மாவட்டங்களில் டெங்கு பாதிப்பு கண்டறியப்பட்டு வரும் நிலையில், காய்ச்சல் மற்றும் உடல்நலக்குறைவு ஏற்பட்டால் பொதுமக்கள் அலட்சியம் செய்யாமல் மருத்துவமனைகளில் பரிசோதனை செய்து கொள்ளுமாறு அறிவுறுத்தப்பட்டுள்ளது. குறிப்பாக, தொடர் காய்ச்சல், கடுமையான தலைவலி, உடல்வலி, கண்களுக்குப் பின்புறம் வலி, வாந்தி உள்ளிட்ட அறிகுறிகள் தென்பட்டால் உடனடியாக மருத்துவ ஆலோசனை பெறுவது அவசியம் என சுகாதாரத்துறை வலியுறுத்துகிறது.

இதனிடையே, டெங்கு காய்ச்சலை பரப்பும் ஏடிஸ் கொசுக்கள் உற்பத்தியாகும் இடங்களை கண்டறிந்து அழிக்கும் பணிகளை தீவிரப்படுத்த வேண்டிய அவசியம் ஏற்பட்டுள்ளது. வீடுகள் மற்றும் சுற்றுப்புறங்களில் தண்ணீர் தேங்காமல் பார்த்துக்கொள்வது, கொசு உற்பத்தியாகும் இடங்களை அகற்றுவது உள்ளிட்ட தடுப்பு நடவடிக்கைகளை பொதுமக்கள் மேற்கொள்ள வேண்டும். மாநிலத்தில் டெங்கு பாதிப்பு எண்ணிக்கை 3,096 ஆக உயர்ந்துள்ள நிலையில், நோய் தடுப்பு நடவடிக்கைகளை சுகாதாரத்துறை தொடர்ந்து கண்காணித்து வருகிறது.

இதையும் படிங்க : ஸ்ரீரங்கம் கோயில் நில விவகாரம்: திமுக பிரமுகர் மீது FIR.. பரபரப்பு தகவல்கள்!