‘பள்ளிகளில் பாலியல் தொல்லை; அன்பில் மகேஷின் தோல்வி’: காயத்ரி ரகுராம்

AIADMK Protest in Chennai | “தமிழ்நாட்டில் தி.மு.க ஆட்சிக் காலத்தில் போதைப் பொருளும், டாஸ்மாக்கும் தலைவிரித்து ஆடுகிறது. இதற்கு முற்றுப்புள்ளி தேவை” என அ.இ.அ.தி.மு.க மகளிரணி துணை செயலாளர் காயத்ரி ரகுராம் குற்றஞ்சாட்டினார். சென்னை வள்ளூவர் கோட்டத்தில் தொடர்ந்து பேசிய காயத்ரி ரகுராம், “தமிழ்நாட்டில் பெண்களுக்கு எதிரான குற்றங்கள் தொடர்ந்து அதிகரித்து வருகின்றன.

என்.சி.சி என்ற பெயரில் பெண் குழந்தைகளுக்கு பாலியல் வன்கொடுமை கொடுக்கப்பட்டுள்ளது. இந்த விவகாரத்தில் கனிமொழி உள்ளிட்ட யாரும் வாயை திறப்பதில்லை. பள்ளிகளில் பெண்களுக்கு பாதுகாப்பு இல்லை. டாஸ்மாக், போதைப் பொருள் தலைவிரித்து ஆடுகிறது.

பள்ளிக் கல்வித் துறையில் உள்ள வீழ்ச்சிகளை பார்க்கும்போது இதனை அன்பில் மகேஷின் தோல்வியாகத்தான் பார்க்கிறேன்” என்றார். தொடர்ந்து, தேவை இல்லாமல் மகா விஷ்ணுவின் விவகாரத்தை ஊதி பெரிதாக்கியுள்ளனர். இதெல்லாம் திசை திருப்பல் நாடகங்கள்” என்றார்.

இதையும் படிங்க : மசாஜ் சென்டர் என்ற பெயரில் விபசாரம்: கோவையில் 72 ஸ்பாக்களுக்கு சீல்!

திராவிடன் டைம்ஸின் செய்திகளை உடனுக்குடன் தெரிந்துக்கொள்ள

வாட்ஸ்அப்

ட்விட்டர் 

இன்ஸ்டாகிராம்