Political Row: தமிழக அரசியலில் நடிகர்களை முன்னிறுத்தி குழப்பத்தை ஏற்படுத்த பாஜக திட்டமிடுவதாகக் காங்கிரஸ் தலைவர் மாணிக்கம் தாகூர் குற்றம்சாட்டியுள்ளார்.
Political Row: தமிழக அரசியலில் நடிகர்களை முன்னிறுத்தி குழப்பத்தை ஏற்படுத்த பாஜக திட்டமிடுவதாகக் காங்கிரஸ் தலைவர் மாணிக்கம் தாகூர் குற்றம்சாட்டியுள்ளார்.
Published on: October 26, 2026 at 3:58 pm
மதுரை, அக் 26 2026: தமிழக அரசியலில் குழப்பத்தை ஏற்படுத்த பாஜகவும் ஆர்.எஸ்.எஸ். அமைப்பும் திட்டமிட்டு செயல்படுவதாக தமிழ்நாடு காங்கிரஸ் கமிட்டியின் தலைவர் பி. மாணிக்கம் தாகூர் குற்றம்சாட்டியுள்ளார்.
மதுரையில் திருமண நிகழ்ச்சியில் பங்கேற்ற பின்னர் செய்தியாளர்களிடம் பேசிய அவர், நடிகர் ஒருவரை தமிழக அரசியலுக்குக் கொண்டுவரும் முயற்சியில் பாஜக ஈடுபட்டுள்ளதாகவும், இதனை ‘பிளான் சி’ எனவும் குறிப்பிட்டார். இதன் மூலம் நடிகர் தனுஷின் சாத்தியமான அரசியல் பிரவேசத்தை மறைமுகமாகச் சுட்டிக்காட்டினார்.
பாஜகவின் முக்கிய நோக்கம் அதிமுகவின் வாக்கு வங்கியைக் கைப்பற்றுவதே என மாணிக்கம் தாகூர் தெரிவித்தார். இதற்காக, அதிமுக பொதுச்செயலாளர் எடப்பாடி கே. பழனிசாமி மற்றும் அமமுக பொதுச்செயலாளர் டிடிவி தினகரன் ஆகியோரை மையமாகக் கொண்டு ‘பிளான் ஏ’ முயற்சி மேற்கொள்ளப்பட்டதாகவும், பின்னர் நடிகர் ரஜினிகாந்தை அரசியலுக்கு அழைத்து வர முயன்றதாகவும் அவர் கூறினார். இந்த முயற்சிகள் வெற்றி பெறவில்லை என்று தெரிவித்தார்.
மேலும், முன்னாள் பாஜக மாநிலத் தலைவர் கே. அண்ணாமலை கட்சியிலிருந்து விலகி, தன்னார்வ அமைப்பைப் போன்ற இயக்கத்தைத் தொடங்கியிருப்பது ‘பிளான் பி’யின் ஒரு பகுதியாக இருக்கலாம் என மாணிக்கம் தாகூர் விமர்சித்தார். அவரது செயல்பாடுகளும் பேச்சுகளும் பாஜகவின் அரசியல் அணுகுமுறையுடன் ஒத்துப்போவதாகவும் அவர் கூறினார்.
தமிழக அரசியல் நகர்வுகளுக்குப் பின்னால் டெல்லி தலைமையின் வழிகாட்டுதல் இருப்பதாகவும், மத்திய உள்துறை அமைச்சர் அமித் ஷா மறைமுகமாகக் கட்டுப்படுத்துவதாகவும் அவர் குற்றம்சாட்டினார்.
இதற்கிடையே, காங்கிரஸ்–தமிழக வெற்றிக் கழகக் கூட்டணி வலுவாக இருப்பதாகக் குறிப்பிட்ட மாணிக்கம் தாகூர், இந்திய யூனியன் முஸ்லிம் லீக் மற்றும் விடுதலைச் சிறுத்தைகள் கட்சியுடன் இணைந்து மதச்சார்பின்மை, சமூகநீதிக்காகத் தொடர்ந்து போராடி வருவதாகத் தெரிவித்தார். நடிகர் விஜய் தலைமையிலான தமிழக வெற்றிக் கழகம் மக்களிடையே ஆதரவைப் பெற்றுள்ளதாகவும், இந்தக் கூட்டணி நீண்ட காலம் ஆட்சியில் நீடிக்கும் என்ற நம்பிக்கை இருப்பதாகவும் அவர் கூறினார்.
இதையும் படிங்க: உயர்நீதிமன்றம் அனுமதி.. தமிழகம் முழுவதும் ஆர்.எஸ்.எஸ். பேரணி! சென்னையில் 7 இடங்களில் அணிவகுப்பு
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
