புதிய தலைமுறை செய்தித் தொலைக்காட்சி அரசு கேபிளில் இருந்து நீக்கம்? அண்ணாமலை குற்றச்சாட்டு!

Annamalai: ஊடகங்கள் திமுக அரசின் ஊதுகுழலாகச் செயல்பட வேண்டும் என்று எதிர்பார்க்கிறார் முதலமைச்சர் மு.க. ஸ்டாலின் என அண்ணாமலை குற்றஞ்சாட்டியுள்ளார்.

மு.க ஸ்டாலின், அண்ணாமலை

BySaranya JK

Published on: October 5, 2025 at 1:46 pm

சென்னை, அக்.5, 2025: தமிழ்நாடு பா.ஜ.க முன்னாள் தலைவர் கு. அண்ணாமலை இன்று (ஞாயிற்றுக்கிழமை) வெளியிட்டுள்ள செய்தியில், “கரூர் தவெக கூட்ட நெரிசலில் சிக்கி, பொதுமக்கள் உயிரிழந்த துயர நிகழ்வில், திமுக அரசின் தவறுகளைச் சுட்டிக் காட்டிய புதிய தலைமுறை செய்தித் தொலைக்காட்சியை, அரசு கேபிளில் இருந்து தமிழகம் முழுவதும் முடக்கியிருக்கிறது திமுக அரசு” எனக் குற்றஞ்சாட்டியுள்ளார்.

மேலும், “ஊடகங்கள் திமுக அரசின் ஊதுகுழலாகச் செயல்பட வேண்டும் என்று எதிர்பார்க்கிறார் முதலமைச்சர் மு.க. ஸ்டாலின்” எனக் கூறியுள்ள அண்ணாமலை, “அதற்குத்தான், பொதுமக்கள் யாருமே பார்க்காத குடும்பத் தொலைக்காட்சிகளை வைத்திருக்கிறீர்களே? மக்கள் பிரச்சினைகளை, கேள்விகளை வெளிக்கொள்ளும் ஊடகங்களை ஏன் முடக்குகிறீர்கள்?” என்றும் கேள்வியெழுப்பியுள்ளார்.

தூய்மைப் பணியாளர் உயிரிழப்பு

தொடர்ந்து, “தமிழகம் முழுவதும் சட்டம் ஒழுங்கு சந்தி சிரிக்கிறது. முதலமைச்சர் சொந்தத் தொகுதியிலேயே, போதிய பாதுகாப்பு உபகரணங்கள் இல்லாமல் தூய்மைப் பணியாளர்கள் உயிரிழக்கின்றனர்.

தமிழகம் முழுவதும் கனிம வளங்கள் கொள்ளை போகின்றன. அரசுத் துறைகள் அனைத்தும் செயலிழந்து நிற்கின்றன. இப்படி ஒரு இருண்ட சூழலில் தமிழகத்தைக் கொண்டு வந்து நிறுத்தி விட்டு, ஊடகங்களை முடக்கிவிட்டால் மக்களுக்கு எதுவும் தெரியாது என்ற முட்டாள்தனமான ஐடியா எல்லாம் உங்களுக்கு யார் கொடுக்கிறார்கள்” என்றும் கேள்வியெழுப்பி உள்ளார்.

இதையும் படிங்க :சிலருக்கு தி.மு.க.வை பிடிக்காது.. காரணம்.. முதலமைச்சர் மு.க ஸ்டாலின் விளக்கம்!