திராவிடக் கட்சிகளிடம் இப்போதும் 120 இடங்கள் உள்ளன.. அ.தி.மு.க. பாண்டியராஜன்!

Pandiarajan: திராவிடக் கட்சிகளிடம் இப்போதும் 120க்கும் மேற்பட்ட இடங்கள் உள்ளன என அ.தி.மு.க. மு்ன்னாள் அமைச்சர் பாண்டியராஜன் தெரிவித்துள்ளார்.

அ.தி.மு.க. முன்னாள் அமைச்சர் பாண்டியராஜன்

BySaranya JK

Published on: May 5, 2026 at 8:21 pm

சென்னை, மே 5, 2026: அ.தி.மு.க. முன்னாள் அமைச்சர் பாண்டியராஜன் சென்னையில், ஏ.என்.ஐ செய்தி நிறுவனத்துக்கு பிரத்யேக பேட்டியளித்தார். அப்போது, “தமிழ்நாட்டில் இப்போதும் இரு திராவிடக் கட்சிகளிடம் 120க்கும் மேற்பட்ட தொகுதிகள் உள்ளன“ என்றார்.

இது குறித்து தொடர்ந்து பேசிய பாண்டியராஜன், “இரண்டு திராவிடக் கட்சிகளும் (அதிமுக மற்றும் திமுக) இணைந்து இப்போதும் 120-க்கும் மேற்பட்ட இடங்களைத் தங்கள் வசம் வைத்துள்ளன என்பதை நாம் மறந்துவிடக் கூடாது. திராவிடக் கட்சிகள் நிராகரிக்கப்பட்டுவிட்டதாக நான் கருதவில்லை” என்றார்.

மேலும், “திமுக ஆட்சிக்க எதிரான எதிர்ப்பு அலை இருந்தது; அதன் பலன் தமிழக வெற்றிக் கழகத்திடம் சென்றுள்ளது” எனக் கூறிய பாண்டியராஜன், விஜயால் இளைஞர்களின் மொழியில் பேச முடியும் எனவும் தெரிவித்தார்.

உள்ளாட்சி தேர்தல்

#WATCH | Chennai, Tamil Nadu | AIADMK leader Pandiarajan K says, "Let's not forget that both the Dravidian parties (AIADMK & DMK) together are still holding over 120 seats. I don't think there is rejection of Dravidian parties. There has been anti-incumbency against DMK, and the… pic.twitter.com/yCToIINdRj
— ANI (@ANI) May 5, 2026

(நன்றி: ஏ.என்.ஐ)

தொடர்ந்து பேசிய அவர், “அதிமுக மிக விரைவிலேயே மீண்டும் வலுவாக மீண்டு வரும் என்று நான் கருதுகிறேன். இன்னும் 6 மாதங்களில் நடைபெறவுள்ள உள்ளாட்சித் தேர்தல்களில், நீங்கள் ஒரு மிகப்பெரிய மாற்றத்தைக் காண்பீர்கள்“ எனவும் குறிப்பிட்டார்.

2026 சட்டமன்ற தேர்தலில் தமிழ்நாட்டில் யாருக்கும் பெரும்பான்மை கிடைக்கவில்லை. தமிழக வெற்றிக் கழகம் 108 தொகுதிகளில் வெற்றிப் பெற்று தனிப்பெரும் கட்சியாக உள்ளது என்பது குறிப்பிடத்தக்கது.

இதையும் படிங்க : கொளத்தூர் தொகுதியில் மு.க ஸ்டாலின்.. உணர்ச்சி ததும்ப காணப்பட்ட சேகர்பாபு!