பெண்கள் ஒருநாள் கிரிக்கெட் ;தொடரை கைப்பற்றிய இந்தியா ; புதிய சாதனை நிகழ்த்திய ஸ்மிருதி மந்தனா

Women’s Oneday Cricket | பெண்கள் ஒருநாள் கிரிக்கெட் தொடரை இந்திய அணி கைப்பற்றியது. மிதாலி ராஜின் வாழ்நாள் சாதனையை ஸ்மிருதி மந்தனா முறியடித்தார்.

womens odi cricket smriti mandhana breaks mithali rajs lifetime record

ByDravidan Times Bureau

Published on: October 30, 2024 at 9:42 am

Women’s Oneday Cricket | நியூசிலாந்து பெண்கள் கிரிக்கெட் அணி இந்தியாவில் சுற்றுபயணம் மேற்கொண்டு விளையாடி வரும் 3 போட்டிகள் கொண்ட ஒருநாள் தொடரில் முதல் ஆட்டத்தில் இந்தியாவும், 2வது ஆட்டத்தில் நியூசிலாந்தும் வெற்றி பெற்றன. இந்நிலையில், தொடர் யாருக்கு என்பதை தீர்மானிக்கும் 3வது ஒருநாள் போட்டி அகமதாபாத்தில் நேற்று நடைபெற்றது

இதையடுத்து இந்த ஆட்டத்தில் டாஸ் வென்ற நியூசிலாந்து முதலில் பேட்டிங் செய்தது. தொடக்க வீராங்கனைகள் அடுத்தடுத்து ஆட்டமிழந்த நிலையில், ஜார்ஜியா ப்ளிம்மருடன் புரூக் ஹாலிடே ஜோடி சேர்ந்து நிதானமாக ஆடிய நிலையில், ஜார்ஜியா ப்ளிம்மர் 39 ரன்கள் எடுத்தபோது ஆட்டமிழந்தார். மறுமுனையில் சிறப்பான ஆட்டத்தை வெளிப்படுத்திய புரூக் ஹாலிடே 86 ரன்கள் எடுத்த நிலையில் அவுட் ஆனார். இறுதியில் நியூசிலாந்து அணி 232 ரன்களுக்கு ஆல் அவுட் ஆனது. இந்திய அணி தரப்பில் தீப்தி சர்மா 3 விக்கெட்டுகளை கைப்பற்றினார்.

இதனை தொடர்ந்து 233 ரன்கள் இலக்குடன் களம் இறங்கிய இந்திய அணியில் ஷாபாலி வர்மா 12 ரன்களில் வெளியேறினார். தொடர்ந்து யாஷ்டிகா 35 ரன்களுக்கு ஆட்டமிழந்தார். தொடர்ந்து களமிறங்கிய ஸ்மிருதி மந்தனா , ஹாமன்பிரீத் கவுர் ஆகியோர் சிறப்பான ஆட்டத்தை வெளிப்படுத்தினர். அதிரடி காட்டிய ஸ்மிருதி மந்தனா சதமடித்து அசத்தினார். இந்த சதத்தின் மூலம் மிதாலி ராஜின் வாழ்நாள் சாதனையை முறியடித்துள்ளார். ஹர்மன்பிரீத் கவுர் அரைசதமடித்தார். இறுதியில் 44.2 ஓவர்களில் 4 விக்கெட் இழப்பிற்கு 236 ரன்கள் எடுத்து இந்தியா வெற்றி பெற்றது . இந்த வெற்றியால் 2- 1 என்ற கணக்கில் இந்தியா தொடரை வென்றது.

இதையும் படிங்க 2025 ஐ.பி.எல் போட்டியில் தோனி விளையாடுவாரா? சி.எஸ்.கே நிர்வாகம் முக்கிய அறிவிப்பு