ரோம் டையமண்ட் லீக்.. நீரஜ் சோப்ரா பெயர் மிஸ்ஸிங்.. யார் இந்த சச்சின் யாதவ்?

Rome Diamond League : ரோம் டைமண்ட் லீக் நுழைவுப் பட்டியலில் நீரஜ் சோப்ராவின் பெயர் இடம்பெறவில்லை; சச்சின் யாதவ் அறிமுகமாகிறார்.

நீரஜ் சோப்ரா

ByPunitha Rajesh

Published on: May 13, 2026 at 2:00 pm

புதுடெல்லி, மே 13, 2026: இந்தியாவின் ஒலிம்பிக் தங்கப் பதக்க வீரர் நீரஜ் சோப்ரா, ரோம் டையமண்ட் லீக் 2026 போட்டியின் எண்ரி லிஸ்டில் இடம்பெறவில்லை. இதனால், இந்தியாவின் புதிய ஈட்டி எறிதல் நட்சத்திரம் சச்சின் யாதவ் தனது டையமண்ட் லீக் அறிமுகத்தை ஜூன் 4 அன்று ரோமில் செய்ய உள்ளார்.

நீரஜ் சோப்ரா எங்கே?

நீரஜ் சோப்ரா தற்போது துருக்கியில் பயிற்சி மற்றும் புனர்வாழ்வு மேற்கொண்டு வருகிறார். அவர் 2026 சீசனை இன்னும் தொடங்கவில்லை. முன்னதாக, கடந்த ஆண்டு டோக்கியோ உலக சாம்பியன்ஷிப்பில் முதுகு காயத்துடன் விளையாடி, எட்டாவது இடத்தில் முடித்தார். இதனால், ரோம் டையமண்ட் லீக் போட்டியில் அவர் பங்கேற்கவில்லை.

சச்சின் யாதவ் அறிமுகம்

26 வயதான சச்சின் யாதவ், ஜூன் 4 அன்று ரோமில் தனது முதல் டையமண்ட் லீக் போட்டியில் பங்கேற்கிறார். அவர் கடந்த ஆண்டு டோக்கியோ உலக சாம்பியன்ஷிப்பில் 86.27 மீட்டர் தனிப்பட்ட சிறந்த சாதனையுடன் நான்காவது இடம் பெற்றார். ஆசிய சாம்பியன்ஷிப்பில் வெள்ளிப் பதக்கம் வென்றுள்ளார். ஏப்ரல் மாதம் டெல்லியில் நடந்த இந்திய தடகள தொடரில் 81.95 மீட்டர் எறிதலுடன் இரண்டாவது இடம் பெற்றார்.

போட்டியாளர்கள் யார் யார்?

ரோமில் சச்சின் யாதவ், ஆண்டர்சன் பீட்டர்ஸ் (கிரனடா), ஜூலியன் வெபர் (ஜெர்மனி), தோமஸ் ரோலர் (ஜெர்மனி), யாகுப் வாட்லெஜ் (செக்), கர்டிஸ் தாம்சன் (அமெரிக்கா), டாவிட் வெக்னர் (போலந்து), ருமேஷ் தரங்க பாதிராஜ் (இலங்கை) ஆகியோருடன் போட்டியிட உள்ளார். இலங்கையின் பாதிராஜ் தற்போது உலகின் முன்னணி வீரராக 89 மீட்டருக்கு மேல் எறிதல் சாதனை படைத்துள்ளார். இதற்கிடையில், நீரஜ் சோப்ரா இல்லாத நிலையில், இந்தியாவின் கவனம் சச்சின் யாதவ் மீது திரும்பியுள்ளது.

இதையும் படிங்க : ரூ.12 லட்சம் அபராதம்.. அக்ஸர் பட்டேல் செய்த தவறு என்ன?