‘இந்தியா- பாக்., மோதினால் பணம் கொட்டும்; ICC ஏன் இதை செய்யக்கூடாது’: பசித் அலி

India Vs Pakistan | பாகிஸ்தானுக்கு இந்திய அணி வரவில்லை என்றால் பாகிஸ்தானுக்கு 2 புள்ளிகள் கொடுங்கள் என பாகிஸ்தான் முன்னாள் வீரர் பசித் அலி தெரிவித்துள்ளார்.

இந்தியா -பாகிஸ்தான் கிரிக்கெட் அணி

give pakistan 2 points if india doesnt come pak former player

ByDravidan Times Bureau

Published on: November 12, 2024 at 11:27 pm

India Vs Pakistan | 2025 ஆம் ஆண்டு சாம்பியன்ஸ் டிராபி தொடர் பாகிஸ்தானில் நடைபெற உள்ளது. தொடருக்கான அட்டவணை இன்னும் அறிவிக்கப்படவில்லை.

இதற்கு காரணம் சாம்பியன்ஸ் டிராபி தொடருக்காக பாகிஸ்தானுக்கு இந்திய அணி செல்லாது. தாங்கள் விளையாடும் போட்டியை வேறு நாட்டிற்கு மாற்ற வேண்டும் என பிசிசிஐ வலியுறுத்தியுள்ளது என பி.சி.சி.ஐ., சர்வதேச கிரிக்கெட் கவுன்சிலிடம் தெரிவித்துள்ளது.

இதற்கு பாகிஸ்தான் கிரிக்கெட் வாரியம் கடும் எதிர்ப்பை தெரிவித்துள்ளது.
மேலும், இந்திய அணி பாகிஸ்தானுக்கு வரவில்லை என்றால் தொடரிலிருந்து தாங்கள் விலகி விடுவோம் என்று பாகிஸ்தான் எச்சரிக்கை விடுத்துள்ளது.

இதுதொடர்பாக பேசிய பாகிஸ்தான் முன்னாள் வீரர் பசித் அலி, 1996 உலகக்கோப்பை தொடரில் வெஸ்ட் இண்டீஸ் மற்றும் ஆஸ்திரேலியா அணிகள் இலங்கைக்கு சென்று லீக் போட்டியில் விளையாட மாட்டோம் என்று கூறிவிட்டது. இதனால் இலங்கை அணிக்கு 4 புள்ளிகள் (தலா 2 புள்ளிகள்) வழங்கப்பட்டது.

அது போல் இப்போதும் செய்தால் என்ன?. அல்லது இந்தியாவையும் பாகிஸ்தானையும் ஒரே பிரிவில் போடாமல், பாகிஸ்தானை வேறு பிரிவிலும் இந்தியாவை வேறு பிரிவிலும் போடலாமே?. ஐ.சி.சி அதை செய்யவே செய்யாது.

ஏனென்றால் இந்தியாவும், பாகிஸ்தானும் லீக்போட்டிகளில் மோதினால் தான் அதிக அளவு பணம் ஐ.சி.சி-க்கு கிடைக்கும். அmதனால் இந்திய அணி பாகிஸ்தானுக்கு வரவில்லை என்றால் பாகிஸ்தானுக்கு 2 புள்ளிகளை கொடுங்கள் என்று கூறியுள்ளார்.

இதையும் படிங்க இங்கிலாந்து கேப்டனுடன் மோதல்; மேற்கிந்திய வீரருக்கு தடை!