அனுமன் பிறந்த மாதம் ; மகத்துவம் நிறைந்த மார்கழி மாதம்

Greatness of the Margazhi month | மார்கழி மாதத்தின் சிறப்புகள் என்னவென்று தெரியுமா?

மார்கழி மாதத்தின் மகத்துவம்

ByDravidan Times Bureau

Published on: January 6, 2025 at 10:45 am

மார்கழி மாதத்தின் மகத்துவம் | மார்கழி மாதத்தில் மார்க்கண்டேயன் சிவபெருமானை வணங்கி மரணத்திலிருந்து தப்பி நித்திய வாழ்வை பெற்றான். அனுமன் பிறந்தது மார்கழி மாதத்தில் தான். சொர்க்கவாசல் திறக்கும் வைகுண்ட ஏகாதசி வரும் மாதமும் மார்கழியே. பொதுவாக பெண்கள் மார்கழி மாதத்தில் அதிகாலை எழுந்து குளித்துவிட்டு வீட்டு வாசலில் கோலம் போடும் பழக்கம் பல காலங்களாக இருந்து வருகிறது.

பசு சாணத்தில் பிள்ளையார் பிடித்து வைத்து வழிபடுவதும் உண்டு. பசு சாண உருண்டையில் பூசணி பூவை செருகி கோலத்திற்கு மத்தியில் வைப்பது மார்கழி முழுவதுமே நடைபெறும். இந்த பசு சாண உருண்டையை வரட்டியாக தட்டி சேகரித்து பொங்கல் அன்று ஆற்றில் விடுவர். மார்கழி மாதத்தில் பெண்கள் அதிகாலையில் கோவிலுக்கு சென்று இறைவனை வழிபட்ட பின்னரே தனது வேலைகளை தொடங்குவர்.

மகாபாரத யுத்தம் மார்கழி மாதத்தில் தான் நடந்துள்ளது என்று இதிகாசம் கூறுகிறது. மேலும் திருப்பாற்கடல் கடையப்பட்ட போது வந்த ஆலகால விஷத்தை சிவபெருமான் உண்டு உலக மக்கள் அனைவரையும் காப்பாற்றியதும் மார்கழி மாதத்தில் தான். இந்திரனால் பெரும் மழை வெள்ளம் உண்டாக்கப்பட்டு கோகுலத்தில் வாழ்த்த மக்கள் அனைவரும் துன்பம் அடைந்த பொழுது கிருஷ்ணர் கோவர்தன கிரி மலையை குடையாகப் பிடித்து மக்களை காப்பாற்றியது மார்கழி மாதத்தில் தான்.

இந்த மாதத்தில் பெண்கள் அதிகாலையில் நீராடி பாவை நோன்பு நோற்று பெருமாளை வழிபட்டு திருப்பாவை பாடுகின்றனர். அந்தக் கண்ணனே தனக்கு கணவனாக வரவேண்டும் என்பது பல பெண்களுக்கு கனவாக உள்ளது. ஆண்டாளின் திருப்பாவை பாடுவது மார்கழி மாதத்தின் தனிச்சிறப்பாகும்.

இதையும் படிங்க. நெஞ்சை பிளந்த அனுமன்; வியந்து பார்த்த சபை: அன்று நடந்தது என்ன?