இன்று வக்ஃப், அடுத்து கத்தோலிக்க திருச்சபை நிலங்கள்.. பகீர் கிளப்பும் ராகுல் காந்தி

Rahul Gandhi on Waqf Bill: காங்கிரஸ் முன்னாள் தலைவர் ராகுல் காந்தி, ”வக்ஃப் மசோதா இஸ்லாமியர்களை பாதிக்கிறது. தொடர்ந்து, மற்ற சமூகங்களும் பாதிக்கப்படும்” என கூறினார்.

ராகுல் காந்தி

BySaranya JK

Published on: April 5, 2025 at 8:21 pm

புதுடெல்லி, ஏப் 5 2025: நாடாளுமன்றத்தில் நிறைவேற்றப்பட்ட வக்ஃப் மசோதா, “முஸ்லிம்களைத் தாக்குகிறது” என்று கூறிய ராகுல் காந்தி, “எதிர்காலத்தில் மற்ற சமூகங்களை குறிவைப்பதற்கு இதுஒரு முன்னுதாரணமாக அமைகிறது” என்றும் மக்களவை எதிர்கட்சித் தலைவர் ராகுல் காந்தி சனிக்கிழமை (ஏப். 5 2025) குற்றஞ்சாட்டினார்.

இது குறித்து ட்விட்டர் எக்ஸ் தளத்தில் ராகுல் காந்தி, ”வக்ஃப் மசோதா நிறைவேற்றப்பட்ட பிறகு ராஷ்ட்ரிய சுயம்சேவக் சங்கம் (RSS) இப்போது கத்தோலிக்க திருச்சபை நிலத்தின் மீது கவனம் செலுத்தியுள்ளது” எனக் கூறியுள்ளார்.

I had said that the Waqf Bill attacks Muslims now but sets a precedent to target other communities in the future.

It didn’t take long for the RSS to turn its attention to Christians.

The Constitution is the only shield that protects our people from such attacks – and it is… pic.twitter.com/VMLQ22nH6t
— Rahul Gandhi (@RahulGandhi) April 5, 2025

மேலும் ராகுல் காந்தி, வக்ஃபு மசோதா இப்போது முஸ்லிம்களைத் தாக்குகிறது. இதனை நான் ஏற்கனவே கூறியுள்ளேன். மேலும், எதிர்காலத்தில் மற்ற சமூகங்களை குறிவைப்பதற்கு ஒரு முன்னுதாரணத்தை அமைக்கிறது என்பதையும் குறிப்பிடுகிறேன். தற்போது, ஆர்.எஸ்.எஸ் தனது கவனத்தை கிறிஸ்தவர்கள் மீது திருப்ப அதிக நேரம் எடுக்கவில்லை” எனத் தெரிவித்துள்ளார்.

இதற்கிடையில் காங்கிரஸ் கட்சியின் மற்றொரு மூத்தத் தலைவரான வேணுகோபால், மற்றொரு கட்டுரையை ட்விட்டர் எக்ஸ் தளத்தில் பகிர்ந்து, கிறிஸ்தவர்கள் குறித்து கருத்து தெரிவித்துள்ளார்.

இதையும் படிங்க : வக்ஃப் திருத்த மசோதா அரசியலமைப்புக்கு முரண்: உச்ச நீதிமன்றத்தில் காங்கிரஸ் வழக்கு?