பீகார் ; கள்ளச்சாராயம் குடித்து பலியானோர் எண்ணிக்கை 33 ஆக உயர்வு

Bihar | பீகாரில் கள்ளச்சாரயம் குடித்து உயிரிழந்தோர் எண்ணிக்கை 33 ஆக உயர்ந்துள்ளது.

கள்ளச்சாராயம்

bihar spurious liquor death toll rises to 33

ByDravidan Times Bureau

Published on: October 18, 2024 at 2:43 pm

Bihar | பீகாரின் சிவன் மாவட்டம் மற்றும் சரண் மாவட்டத்தில் கள்ளச்சாராயம் அருந்திய சிலர் வாந்தி மற்றும் வயிற்றுவலியால் பாதிக்கப்பட்டனர். இதையடுத்து கள்ளச்சாராயம் குடித்த 70-க்கும் மேற்பட்டோர் மருத்துவமனையில் அனுமதிக்கப்பட்டனர்.

அவர்களுக்கு தீவிர சிகிச்சை அளிக்கப்பட்டு வந்த நிலையில், சிவன் மாவட்டத்தைச் சேர்ந்த 28 பேரும், சரண் மாவட்டத்தைச் சேர்ந்த 5 பேரும் சிகிச்சை பலனின்றி உயிரிழந்ததாக தகவல் வெளியாகியுள்ளது. இதனால் பலியானோர் எண்ணிக்கை 33 ஆக உயர்ந்துள்ளது.

இந்நிலையில், உயர் சிகிச்சைக்காக 13 பேர் பாட்னா மருத்துவமனைக்கு கொண்டு செல்லப்பட்டுள்ளனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இதனிடையே, பீகார் அரசின் மதுபான தடை கொள்கை தோல்வி அடைந்துவிட்டதாக எதிர் கட்சிகள் குற்றம் சாட்டி வருகின்றனர்.

இதில் சம்பந்தப்பட்ட குற்றவாளிகளை தப்பிக்க விடமாட்டோம் எனவும் அவர்கள் மீது கடும் நடவடிக்கை எடுக்கப்படும் எனவும் பீகார் துணை முதல் முதல்வர் விஜய் குமார் சின்ஹா தெரிவித்துள்ளார்.

இதையும் படிங்க பீகாரில் கள்ளச் சாராயம்; 20 பேர் மரணம்: விசாரணைக்கு உத்தரவு!