பீகாரில் தனியார், பல்கலைக்கழகங்களிலும் இடஒதுக்கீடு.. ராகுல் காந்தி வாக்குறுதி

Bihar Assembly Election 2025 : பீகாரில் தனியார் கல்லூரிகள் மற்றும் பல்கலைக்கழகங்களிலும் இடஒதுக்கீடு செயல்படுத்தப்படும் என காங்கிரஸ் முன்னாள் தலைவர் ராகுல் காந்தி கூறியுள்ளார்.

பீகாரில் ராகுல் காந்தி, மல்லிகார்ஜூன கார்கே, தேஜஸ்வி யாதவ்

BySaranya JK

Published on: September 25, 2025 at 2:30 pm

பாட்னா, செப்.25, 2025: பீகாரில் ராகுல் காந்தி இன்று (வியாழக்கிழமை) தேர்தல் வாக்குறுதிகளை வெளியிட்டார். அப்போது, “பீகாரில் தனியார் கல்லூரிகள் மற்றும் பல்கலைக்கழகங்களிலும் இடஒதுக்கீடு செயல்படுத்தப்படும்” என்றார்.

இது தொடர்பாக ராகுல் காந்தி மேலும், “பாஜக எத்தனை பொய்கள் மற்றும் கவனச்சிதறல்களைச் செய்தாலும், பிற்படுத்தப்பட்ட, தலித், பழங்குடி, சிறுபான்மை மற்றும் பிற்படுத்தப்பட்ட சமூகங்களுக்கு அவர்களின் முழு உரிமைகளையும் வழங்க நாங்கள் உறுதியாக இருக்கிறோம்.
பீகாரில் பின்தங்கிய சமூகத்தை வலுப்படுத்தவும் அவர்களின் பங்கேற்பை அதிகரிக்கவும் ‘அதிபிசாதா நியாய சங்கல்ப் பத்ரா’வில் நாங்கள் உறுதியான வாக்குறுதிகளை அளித்துள்ளோம்” என்றார்.

மேலும், “கல்விதான் இந்த சமூகங்களுக்கு முன்னேற்றத்திற்கான மிகப்பெரிய வழிமுறையாகும், எனவே இந்த பகுதியில் அவர்களின் வரம்பை அதிகரிக்க சிறப்புத் தீர்மானங்கள் உள்ளன.
தற்போது தனியார் கல்லூரிகள் மற்றும் பல்கலைக்கழகங்களிலும் இடஒதுக்கீடு செயல்படுத்தப்படும். பட்டியல், பழங்குடி, ஓ.பி.சி மற்றும் வருமானத்தில் பின்தங்கியவர்கள் (SC/ST/OBC/EBC) குழந்தைகள் தனியார் பள்ளிகளில் ஒதுக்கப்பட்ட இடங்களில் பாதியைப் பெறுவார்கள்” என்றார்.

கல்வி வெறும் கல்வி அல்ல..

இதையடுத்து, “இது வெறும் கல்வி மட்டுமல்ல, மிகவும் பிற்படுத்தப்பட்டவர்களுக்கு சமத்துவம் மற்றும் மரியாதைக்கான போராட்டம். இது உண்மையான சமூக நீதி மற்றும் சமமான வளர்ச்சிக்கான உத்தரவாதம்” எனவும் ராகுல் காந்தி தெரிவித்துள்ளார்.

இதையும் படிங்க பீகார் சட்டப்பேரவை தேர்தல்.. ராகுல் காந்தி அளித்த இடஒதுக்கீடு வாக்குறுதி!