கேரளத்தில் அடுத்த சலசலப்பு; செக்ஸ் புகார்: சிக்கலில் கம்யூனிஸ்ட் எம்.எல்.ஏ

Marxist MLA Mukesh | அண்டை மாநிலமான கேரள சினிமாவில் தற்போது புயல் வீசிவருகிறது. சினிமா தொடர்பான ஹேமா அறிக்கையை தொடர்ந்து, நடிகர் சித்திக் மீதான பாலியல் புகார்கள் வெளிவந்தன.
இதையடுத்து நடிகர் சித்திக் மீது திருவனந்தபுரத்தில் உள்ள மியூசியம் காவல் நிலையத்தில் பாலியல் வன்புணர்வு வழக்குப்பதிவு செய்யப்பட்டுள்ளது.

மார்க்சிஸ்ட் கம்யூனிஸ்ட் எம்.எல்.ஏs

இதற்கிடையில், நடிகரும், மார்க்சிஸ்ட் கம்யூனிஸ்ட் எம்.எல்.ஏ.வுமான முகேஷூம் பாலியல் புகாரை எதிர்கொள்கிறார். அவர் மீது துணை நடிகை ஒருவர் பாலியல் குற்றச்சாட்டை முன்வைத்துள்ளார்.
இந்தக் குற்றச்சாட்டுகள் இருந்தபோதிலும், சினிமா துறைக்கான கொள்கையை உருவாக்குவதற்காக அமைத்த குழுவில் முகேஷை அரசு உறுப்பினராகத் தக்கவைத்துள்ளது.

துணை நடிகை புகார்

முகேஷ் மற்றும் 6 பேர் மீது ஃபேஸ்புக் பதிவின் மூலம் மினு முதலில் குற்றச்சாட்டை முன்வைத்தார். ஆகஸ்ட் 27 அன்று, நடிகர்கள் ஜெயசூர்யா, எடவேல பாபு மற்றும் மணியன்பிள்ளை ராஜு, தயாரிப்பு நிர்வாகிகள் நோபல் மற்றும் விச்சு மற்றும் தயாரிப்பாளர் மற்றும் வழக்கறிஞர்கள் காங்கிரஸ் தலைவர் வி.எஸ். சந்திரசேகரன் உட்பட ஒவ்வொருவருக்கு எதிராகவும் தனித்தனி மின்னஞ்சல் புகார்களை கேரள காவல்துறைக்கு அனுப்பினார்.

எம்.எல்.ஏ முகேஷ் மறுப்பு

துணை நடிகை மினு சுமத்தியுள்ள குற்றச்சாட்டுகளை எம்.எல்.ஏ முகேஷ் மறுத்துள்ளார். இது குறித்து விளக்கம் அளித்த அவர், “அதே நபர் தன்னை மினு முனீர் என்று அறிமுகப்படுத்திக் கொண்டு 2022 இல் தன்னைத் தொடர்பு கொண்டு நிதி உதவி கேட்டதாக அவர் கூறியுள்ளார்.
மேலும், “நான் அவளுக்குப் பணம் கொடுக்க மறுத்தேன். பின்னர் அவரது கணவர் என்று ஒருவரும் என்னிடம் பணம் கேட்டார்” எனக் கூறியுள்ளார். தொடர்ந்து, “தன் மீது உண்மைக்கு புறம்பாக குற்றச்சாட்டுகள் கூறப்பட்டுள்ளன” எனத் தெரிவித்துள்ளார்.

புகாரில் இருப்பது என்ன?

மலையாள நடிகர் மீது அளித்துள்ள புகாரில் முனீர், “நடிகர் தன்னை மெத்தையில் தள்ளி பாலியல் பலாத்காரம் செய்ய முயற்சித்தார் என்றும் தனக்கு பெரிய வாய்ப்புகள் வாங்கித் தருவதாக கூறினார் என்றும் தாம் அங்கிருந்து புறப்பட்டுவிட்டதாகவும் கூறியுள்ளார். மேலும், “இரவில் தனது அறையை தட்டினார் என்றும் நடிகை தமது பாலியல் புகாரில் கூறியுள்ளார்.

வாட்ஸ்அப்பில் தொடர https://tinyurl.com/5fraa2jz
ட்விட்டர் https://x.com/DravidanTimes
இன்ஸ்டாகிராம் https://www.instagram.com/dravidantimes/