ஜெய்ப்பூர்- அஜ்மீர் ஹைவே தீ விபத்தில் 5 பேர் மரணம்: 40 வாகனங்கள் தீக்கிரை!

ஜெய்ப்பூர்- அஜ்மீர் ஹைவே தீ விபத்தில் 5 பேர் மரணம் அடைந்தனர். பலர் தீ விபத்தில் சிக்கி காயம் அடைந்துள்ளனர். 40க்கும் மேற்பட்ட வாகனங்கள் தீக்கிரையாகின.

ஜெய்ப்பூர்- அஜ்மீர் ஹைவே தீ விபத்து

5 dead in Jaipur-Ajmer highway fire accident: 40 vehicles gutted!

ByDravidan Times Bureau

Published on: December 20, 2024 at 11:14 am

Updated on: December 20, 2024 at 3:06 pm

Jaipur-Ajmer highway fire accident | ஜெய்ப்பூர்-அஜ்மீர் நெடுஞ்சாலையில் மிகப்பெரிய சிஎன்ஜி டேங்கர் வெள்ளிக்கிழமை (டிச.20, 2024) அதிகாலையில் வெடித்ததில் 5 பேர் இறந்தனர். பலர் பலத்த தீக்காயங்களுக்கு உள்ளாகினர். சுமார் 40 வாகனங்கள் தீயில் எரிந்து நாசமானது. ஒரு சிஎன்ஜி டேங்கர் மற்றும் டிரக் மோதியதில் இந்த விபத்து ஏற்பட்டுள்ளது.

இதில், 39 பேர் எஸ்எம்எஸ் மருத்துவமனையில் அனுமதிக்கப்பட்டனர், அதைத் தொடர்ந்து பல வாகனங்கள் ஒரே நேரத்தில் தீப்பிடித்து எரிந்தன. விபத்தில் காயமடைந்தவர்களைச் சந்திக்க ராஜஸ்தான் முதல்வர் பஜன்லால் சர்மா மருத்துவமனைக்குச் சென்றார்.

20க்கும் மேற்பட்ட தீயணைப்பு வாகனங்கள் சம்பவ இடத்துக்கு விரைந்து வந்து தீயை அணைக்கும் பணியில் ஈடுபட்டுள்ளன. ஜெய்ப்பூர்-அஜ்மீர் நெடுஞ்சாலையில் போக்குவரத்து மாற்றம் செய்யப்பட்டுள்ளது. பெட்ரோல் பம்ப் அருகே இந்த வெடிப்பு நிகழ்ந்துள்ளது.
இது குறித்து ஜெய்ப்பூர் மாவட்ட ஆட்சியர் ஜிதேந்திர சோனி, “இந்த விபத்தில் 4 பேர் உயிரிழந்துள்ளனர். சுமார் 40 வாகனங்கள் தீயில் எரிந்தன. தீயணைப்பு படையினர் மற்றும் ஆம்புலன்ஸ்கள் சம்பவ இடத்திற்கு வந்துள்ளன. நிவாரணப் பணிகள் நடைபெற்று வருகின்றன. இந்த சம்பவத்தில் சுமார் 23-24 பேர் காயமடைந்துள்ளனர்” என்றார்.

https://twitter.com/ANI/status/1869938373454070057

இந்நிலையில், ராஜஸ்தான் சுகாதார அமைச்சர் கஜேந்திர சிங் கிம்சார், “தீவிர தீக்காய வார்டில் சுமார் 5 படுக்கைகள் உள்ளன. நாங்கள் 40 படுக்கைகள் கொண்ட மற்றொரு வார்டை தயார் செய்துள்ளோம். போலீஸ் குழு மற்றும் நிர்வாக குழு அங்கு தீவிரமாக உள்ளது” என்றார்.

இதையும் படிங்க