தர்பூசணியில் அல்வா செய்யலாம் தெரியுமா? ஈஸி ஸ்டெப்ஸ் இதோ!

Food: தர்பூசணியில் தோலை பயன்படுத்தி சுவையான அல்வா இந்த மெத்தடில் செய்து கொடுங்க. எல்லோரும் விரும்பி சாப்பிடுவாங்க.

தர்பூசணி அல்வா

ByPushpa Gopinath

Published on: May 9, 2025 at 5:48 pm

சென்னை, மே 9 2025: கோடை காலத்தில் அனைவரின் வீட்டிலும் பொதுவாக வாங்கக்கூடிய பழங்களில் ஒன்று தர்பூசணி. தர்பூசணி உடலை குளிர்ச்சியாகவும் நீரேற்றம் ஆகவும் வைக்க வழி வகுக்கிறது. பல ஆரோக்கிய நன்மைகளை கொண்ட தர்பூசணி பழத்தில் தோலை பயன்படுத்தி சுவையான அல்வா எப்படி செய்யலாம் என்று பார்க்கலாம்.

தேவையான பொருள்கள்

தர்பூசணி தோல் – 1 கப்
நெய் – 2 டேபிள்ஸ்பூன்
பால்- ½ கப்
சர்க்கரை – 1/2 கப்
ஏலக்காய் தூள் – சிறிதளவு
முந்திரி, பாதாம் -15

செய்முறை

முதலில் தர்பூசணி பழத்தின் கடினமான வெளிப்புற பச்சை தோலை அகற்றி மீதமுள்ள பகுதிகளை சிறு சிறு துண்டுகளாக நறுக்கி எடுத்துக் கொள்ளவும். இந்த துண்டுகளை ஒரு மிக்ஸி ஜாரில் சேர்த்து விழுதாக அரைத்துக் கொள்ளவும். ஒரு பாத்திரத்தில் நெய் சேர்த்து நெய் காய்ந்ததும் அதில் கடலை மாவு சேர்த்து வறுக்கவும். கடலை மாவுக்கு பதிலாக ரவையும் சேர்க்கலாம்.

பின்னர் இதனுடன் அரைத்து வைத்த தர்பூசணி பழத்தின் விழுதினை சேர்த்து நன்கு கலந்து விடவும். அடுப்புத்தீயை ஹை ஃபிளேமில் வைத்து கிளறிக் கொண்டே இருக்கவும். 15 நிமிடம் வரை நன்கு கிளறி வேக வைக்கவும். பின்னர் இதனுடன் அரை கப் பால் சேர்த்து கலந்து விடவும். பால் வற்றி கெட்டியாகி வரும் வரை தொடர்ந்து சமைக்கவும்.

பின்னர் இதனுடன் ஒரு கப் சர்க்கரை மற்றும் ஒரு சிட்டிகை ஏலக்காய் தூள் சேர்த்து கலந்து விடவும். அடுப்புத்தீயை மீடியம் ஃபிளேமில் வைத்து இதனுடன் சிறிது நெய் சேர்த்து விருப்பமான உலர் பழங்கள் அதாவது முந்திரி, பாதாம் சேர்த்து கலந்து விடவும். இவை நன்கு கலந்து அல்வா பதம் வந்ததும் இறக்கவும். இப்போது சுவையான தர்பூசணி அல்வா தயார்.

இதையும் படிங்க தயிர் சாதத்துக்கு தொட்டுக்கலாம்.. உருளைக் கிழங்கு வறுவல்.. இப்படி பண்ணுங்க!