How to make squid fish masala | காரசாரமான கனவா மீன் மசாலா இப்படி செய்து பாருங்கள்.
How to make squid fish masala | காரசாரமான கனவா மீன் மசாலா இப்படி செய்து பாருங்கள்.
Published on: December 9, 2024 at 1:27 pm
How to make squid fish masala | மீன் பிரியர்கள் விரும்பி உண்ணக்கூடிய சுவையான கனவா மீன் மசாலா எப்படி செய்யலாம் என்று பார்க்கலாம்.
தேவையான பொருள்கள்
கனவா மீன் – 1 கிலோ
மஞ்சள் தூள் -½ டீஸ்பூன்
மிளகாய் தூள் -1 டீஸ்பூன்
உப்பு -½ டீஸ்பூன்
தேங்காய் எண்ணெய் – 1½ டேபிள் ஸ்பூன்
பெரிய வெங்காயம் -1
சின்ன வெங்காயம் -25
இஞ்சி பூண்டு பேஸ்ட்-2 டீஸ்பூன்
பச்சை மிளகாய் -1
கருவேப்பிலை- சிறிதளவு
தக்காளி -2
உப்பு -1 டீஸ்பூன்
மஞ்சள் தூள் -½ டீஸ்பூன்
மிளகாய்த்தூள் -2 டீஸ்பூன்
சீரகத்தூள் -1 டீஸ்பூன்
தனியாத்தூள் -2 டீஸ்பூன்
மிளகுத்தூள் -½ டீஸ்பூன்
தண்ணீர் -¼ கப்
கரம் மசாலா -1 டீஸ்பூன்
கொத்தமல்லி இலை
ஒரு கைப்பிடி அளவு
எலுமிச்சைச்சாறு -1 டீஸ்பூன்
செய்முறை
முதலில் கனவா மீனின் தலையினை நீக்கிவிட்டு தோல் பகுதியை உரித்து தண்ணீரில் நன்கு சுத்தம் செய்து கழுவி எடுத்துக் கொள்ள வேண்டும். கனவா மீன்களுடன் மிளகாய் தூள் மஞ்சள் தூள் உப்பு சேர்த்து நன்கு கலந்து ஊற வைக்க வேண்டும். ஒரு அகலமான கடாயில் தேங்காய் எண்ணெய் சேர்த்து எண்ணெய் காய்ந்ததும் அதில் பொடியாக நறுக்கிய வெங்காயம் சேர்த்து ஒரு நிமிடம் வதக்க வேண்டும்.
இதனுடன் பொடியாக நறுக்கிய சின்ன வெங்காயம் சேர்த்து வதக்க வேண்டும். சின்ன வெங்காயம் சேர்ப்பதால் மிகவும் சுவையாக இருக்கும். சின்ன வெங்காயம் இல்லை எனில் பெரிய வெங்காயம் சேர்த்துக் கொள்ளலாம். வெங்காயம் நன்கு வதங்கிய பின்னர் இதனுடன் இஞ்சி பூண்டு விழுதினை சேர்த்து வதக்கவும். பின்னர் இதனுடன் ஒரு பச்சை மிளகாய் மற்றும் சிறிது கருவேப்பிலை சேர்த்து வதக்கவும்.
இதனுடன் பொடியாக நறுக்கிய தக்காளி சேர்த்து மூன்று நிமிடத்திற்கு தக்காளி நன்கு மசிந்து வரும் வரை வதக்கவும். பின்னர் இதனுடன் உப்பு, மஞ்சள் தூள், மிளகாய் தூள், சீரகத்தூள், தனியாத்தூள், மிளகுத்தூள் மற்றும் சிறிது தண்ணீர் சேர்த்து மசாலாவின் பச்சை வாடை நீங்கும் வரை வதக்க வேண்டும். மீனின் அளவுக்கு ஏற்றார் போல் மசாலா தூள் சேர்த்துக் கொள்ளவும்.
இதனுடன் ஊறவைத்த கனவா மீன்களை சேர்த்து நன்கு கலந்து விடவும். இதனுடன் ஒரு டீஸ்பூன் கரம் மசாலா சேர்த்து கலந்து விடவும். அடுப்பை மீடியம் ஃப்ளேமில் வைத்து தயார் செய்யவும். மீன் அதிகமாக வெந்துவிட்டால் ரப்பர் போன்ற மாறிவிடும் எனவே பத்து நிமிடம் மூடி போட்டு வேக விடவும். மீன் வெந்து வந்த பின்னர் இதனுடன் சிறிது கருவேப்பிலை மற்றும் கொத்தமல்லி இலை சேர்த்து கலந்து விடவும். இறுதியாக அரை எலுமிச்சை பழச்சாறினை சேர்த்து கலந்து விடவும். இப்போது சுவையான கனவா மீன் மசாலா தயார்.
இதையும் படிங்க : ஸ்பெஷலான ஸ்பானிஷ் ஆம்லெட் ; முட்டையை இப்படி செஞ்சு பாருங்க ; சுவை அள்ளும்!
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
