டீ, காபிக்கு செம்ம ஸ்நாக்ஸ்; வீட்டிலேயே தட்டை செய்வது எப்படி?

How to make small thattai | சிறிய தட்டை வீட்டிலேயே எளிதாக செய்யலாம்.

சிறிய தட்டை

ByDravidan Times Bureau

Published on: October 27, 2024 at 11:23 am

How to make small thattai | தீபாவளி பண்டிகைக்கு வீட்டில் பலகாரங்கள் செய்து பிற மத நண்பர்களுக்கு கொடுப்பது வழக்கம். இந்த தீபாவளிக்கு வீட்டிலேயே தட்டை செய்து நண்பர்களுக்கு கொடுத்து மகிழுங்கள். வீட்டிலேயே எளிமையாக சின்ன தட்டை எப்படி செய்யலாம் என்று பார்க்கலாம்.

தேவையான பொருள்கள்

வேர்க்கடலை -1/2 கப்
மிளகு – 1 ஸ்பூன்
பச்சரிசி மாவு – 1, 1/2 கப்
சீரகம் -1 டீஸ்பூன்
பெருங்காயத்தூள் – 1/2 டீஸ்பூன்
மிளகாய் தூள் -1 டீஸ்பூன்
கருவேப்பிலை – ஒரு கைப்பிடி அளவு
எண்ணெய் – 3 ஸ்பூன்
பட்டர் சீட் -1

செய்முறை

முதலில் வேர்க்கடலையை வறுத்து தோல் நீக்கி மிக்ஸி ஜாரில் சேர்த்து கொரகொரப்பாக அரைத்து எடுத்துக் கொள்ள வேண்டும். ஒரு ஸ்பூன் மிளகை இடித்து எடுத்துக் கொள்ளவும். பின்னர் அரிசி மாவுடன் இடித்து வைத்த மிளகு, கொரகொரப்பாக அரைத்த வேர்க்கடலை, சீரகம், பெருங்காயத்தூள், மிளகாய் தூள், ஒரு கைப்பிடி அளவு சிறிதாக நறுக்கிய கருவேப்பிலை மற்றும் தேவையான அளவு உப்பு சேர்க்க வேண்டும்.

ஒரு கடாயில் மூன்று ஸ்பூன் எண்ணெயை நன்கு சூடாக்கி மாவுடன் சேர்த்து நன்கு கலந்து விட வேண்டும். எண்ணெய் சேர்ப்பதால் தட்டை மொறு மொறுப்பாக இருக்கும். பின்னர் மாவுடன் சிறிது சிறிதாக தண்ணீர் சேர்த்து கெட்டியாக சப்பாத்தி மாவு பதத்தில் தயார் செய்ய வேண்டும். மாவு கெட்டியாக இருக்க வேண்டும்.

பின்னர் சப்பாத்தி கட்டையின் மீது ஒரு பட்டர் சீட்டை வைத்து அதன் மீது சிறிது எண்ணெய் தடவி தயார் செய்து வைத்த மாவில் இருந்து சிறிதளவு மாவை வைத்து உருட்டி எடுக்க வேண்டும். பின்னர் உருட்டிய மாவின் மீது ஏதேனும் ஒரு சிறிய மூடியின் அச்சை வைத்து வட்ட வட்டமாக அழுத்தி எடுக்க வேண்டும். தட்டை நன்றாக வேக மாவின் மீது போர்க்கை வைத்து சிறிய சிறிய துளைகள் இடலாம்.

ஒரு பாத்திரத்தில் எண்ணெய் வைத்து எண்ணெய் காய்ந்ததும் அதில் தயார் செய்து வைத்த சிறிய தட்டை மாவினை ஒன்றன் பின் ஒன்றாக சேர்த்து பொரித்து எடுக்க வேண்டும். இப்போது சுவையான சிறிய தட்டை தயார்.

இதையும் படிங்க : தீபாவளிக்கு அச்சு முறுக்கு சுட போறீங்களா? ஒரு கப் தேங்காய் பால்: இப்படி ட்ரை பண்ணுங்க!