நெய் கடலை.. வாசம் தூக்கும்.. இப்படி பண்ணுங்க!

How to make Nei kadalai: மிகவும் எளிமையாக செய்யக்கூடிய சுவையான ஈவினிங் ஸ்நாக்ஸ் ரெசிபி நெய் கடலை எப்படி செய்ய வேண்டும் என்று தெரியுமா?

நெய் கடலை

ByDravidan Times Bureau

Published on: February 17, 2025 at 10:29 am

குழந்தைகள் விரும்பி உண்ணக்கூடிய சுவையான மொறு மொறு நெய் கடலை எப்படி செய்யலாம் என்று பார்க்கலாம்.

தேவையான பொருள்கள்

கடலை பருப்பு -1 கப்
கறிவேப்பிலை -1 கொத்து
உப்பு -1 டீஸ்பூன்
மிளகாய்த்தூள் -1 டீஸ்பூன்
மஞ்சள் தூள் -¼ டீஸ்பூன்

செய்முறை

கடலை பருப்பை நன்கு கழுவி சுத்தம் செய்த பின்னர் 3 மணி நேரம் தண்ணீரில் ஊற வைக்க வேண்டும். பருப்பு ஊறிய பின்னர் தண்ணீரை வடித்து விட வேண்டும். பின்னர் ஒரு சுத்தமான துணியில் கடலை பருப்பை காய வைக்க வேண்டும். கடலைப்பருப்பு காய்ந்து, உலர்ந்த பிறகு ஒரு பாத்திரத்தில் எடுத்து வைத்துக் கொள்ளவும்.

பருப்பு நன்கு உலர்ந்தால்தான் மொறு மொறு என்று இருக்கும். ஒரு கடாயில் எண்ணெய் சேர்த்து எண்ணெய் காய்ந்ததும் அதில் உலர்ந்த கடலை பருப்பை சிறிது சிறிதாக சேர்த்து பொறித்து எடுக்கவும். அடுப்பு தீயை மீடியம் ஃப்ளேமில் வைத்து பொரித்து எடுக்கவும். கடலைப்பருப்பு சேர்த்த உடன் எண்ணெய் சலசலப்பு ஏற்படும்.

எண்ணையின் சலசலப்பு அடங்கிய பின்னர் பொறித்த கடலை பருப்பை டிஷ்யூ பேப்பரின் மீது வைத்து எண்ணெய் வடிந்த பின்னர் வேறு பாத்திரத்திற்கு மாற்றவும். கடலை பருப்பை பொறித்த பின்னர் ஒரு கொத்து கருவேப்பிலையை எண்ணெயில் பொறித்து எடுத்துக் கொள்ளவும்.

பொறித்த கடலையுடன் மிளகாய் தூள், மஞ்சள் தூள், உப்பு சேர்த்து நன்கு கலந்து விடவும். பின்னர் இதனுடன் பொறித்து வைத்த கருவேப்பிலை இலைகளை சேர்த்து கலந்து விடவும். இப்போது சுவையான மொறு மொறு நெய் கடலை தயார்.

இதையும் படிங்க : குழந்தைகள் விரும்பும் டேஸ்டியான ஈவ்னிங் ஸ்னாக்ஸ் ; இப்டி ட்ரை பண்ணி பாருங்க