மொறு மொறுன்னு மசால் பொரி: வெங்கடேஷ் பட் ஸ்டைலில் செஞ்சி அசத்துங்க!

How to make masala pori | குழந்தைகள் விரும்பி உண்ணக்கூடிய மசாலா பொரி இப்படி பண்ணுங்க.

மசாலா பொரி

ByDravidan Times Bureau

Published on: November 5, 2024 at 7:33 am

How to make masala pori | ஸ்கூல் முடிந்து வீட்டுக்கு வரும் குழந்தைகளுக்கு கொடுக்கக்கூடிய ஒரு அருமையான ஸ்னாக்ஸ் மசாலா பொரி. இந்த மசாலா பொரியை வெங்கடேஷ் பட் ஸ்டைலில் எப்படி செய்யலாம் என்று பார்க்கலாம்.

தேவையான பொருள்கள்

கடலை எண்ணெய் -2 டேபிள் ஸ்பூன்
கடுகு -1 டீஸ்பூன்
கருவேப்பிலை – 1 கொத்து
பூண்டு – 4 பல்லு
பொட்டுக்கடலை -1 கைப்பிடி அளவு
உப்பு சேர்த்து வறுத்த வேர்க்கடலை -1 கைப்பிடி அளவு
பெருங்காயத்தூள் -1 ஸ்பூன்
மஞ்சள் தூள் -1/2 ஸ்பூன்
மிளகாய்த்தூள் – 1 ஸ்பூன்
உப்பு – சிறிதளவு
அரிசி பொரி – 1 பாக்கெட்
சாட் மசாலா – 1/2 டீஸ்பூன்
பெரிய வெங்காயம்-1
கொத்தமல்லி இலை – 1 கைப்பிடி அளவு

செய்முறை

ஒரு கடாயில் கடலெண்ணெய் சேர்த்து எண்ணெய் காய்ந்ததும் அதனுடன் கடுகு, தட்டி எடுத்த பூண்டு, கருவேப்பிலை, பொட்டுக்கடலை மற்றும் வறுத்த உப்பு உள்ள வேர்க்கடலை சேர்த்து வறுக்க வேண்டும். வறுக்கும் போது அடுப்பு தீயை லோ ஃப்ளேமில் வைத்து வறுக்க வேண்டும். இவை நன்கு பொரிந்ததும் அடுப்பை ஆப் செய்ய வேண்டும்.

அடுப்பை ஆப் செய்த பின்னர் இதனுடன் பெருங்காயத்தூள்இ மஞ்சள் தூள், மிளகாய் தூள் மற்றும் சிறிதளவு உப்பு சேர்க்க வேண்டும். உப்பு அதிகமாக சேர்த்து விடக்கூடாது ஏனெனில் பொரி மற்றும் வேர்க்கடலையில் உப்பு இருக்கும். பின்னர் இதனுடன் பொரி சேர்த்து நன்கு கிளறி விட வேண்டும். இதனுடன் அரை ஸ்பூன் சாட் மசாலா சேர்த்து கிளறி விட வேண்டும்.

பின்னர் ஒரு பெரிய வெங்காயத்தை பொடியாக நறுக்கி அதனுடன் பொடியாக நறுக்கிய கொத்தமல்லி இலைகளையும் சேர்த்து கலந்து தயார் செய்து வைத்த மசாலா பொரி மீது தூவி விட வேண்டும். இப்போது குழந்தைகள் விரும்பி உண்ணக்கூடிய மசாலா பொரி தயார்.

இதையும் படிங்க : தேங்காய் எண்ணெய் வாசம் தூக்கும்: கேரள ஸ்டைலில் நேந்திரம் சிப்ஸ் செய்வது எப்படி?