கோதுமை மாவு இருக்கா? நார்த் இந்தியன் ஸ்பெஷல் மால்புவா தயார்!

How to make malpua | நார்த் இந்தியன் ஸ்பெஷல் மால்புவா எப்படி செய்ய வேண்டும் என்று தெரியுமா?

மால்புவா

ByDravidan Times Bureau

Published on: November 28, 2024 at 10:40 am

How to make malpua | மிகவும் சுவையான நார்த் இந்தியன் ஸ்பெஷல் மால்புவா எப்படி செய்யலாம் என்று பார்க்கலாம்.

தேவையான பொருள்கள்

கோதுமை மாவு -1 கப்
ரவை -1/4 கப்
பொடித்த சர்க்கரை – 1 டேபிள் ஸ்பூன்
ஏலக்காய் தூள் -1/2 டீஸ்பூன்
சோம்புத்தூள் -1/2 டீஸ்பூன்
காய்த்து ஆரிய பால் – 2 கப்
சர்க்கரை -1½கப்
தண்ணீர் -1½ கப்
குங்குமப்பூ – சிறிதளவு

செய்முறை

ஒரு பாத்திரத்தில் கோதுமை மாவு, ரவை, பொடித்த சர்க்கரை, ஏலக்காய், சோம்பு மற்றும் காய்த்து ஆரிய பால் சேர்த்து கட்டி விழாமல் நன்கு கலக்கி எடுத்துக் கொள்ள வேண்டும். இந்த கலவையை 30 நிமிடங்கள் ஊற விட வேண்டும். பின்னர் ஒரு பாத்திரத்தில் சர்க்கரை மற்றும் தண்ணீர் சேர்த்து கொதிக்க விட்டு பாகு தயாரிக்க வேண்டும். இதனுடன் சிறிது குங்குமப்பூ சேர்த்து மீடியம் பிளேமில் ஐந்து நிமிடம் கொதிக்க விட வேண்டும்.

பாகு கம்பி பதம் வருவதற்கு முந்தைய கட்டத்தில் இருக்க வேண்டும். ஏற்கனவே தயார் செய்து வைத்த கோதுமை மாவு கலவை மிகவும் தண்ணியாக இருந்தால் ஒரு ஸ்பூன் கோதுமை மாவு சேர்த்து கலக்கும் பொழுது சரியாக இருக்கும். ஒரு பேனில் கால் கப் எண்ணெய் சேர்த்து எண்ணெய் காய்ந்ததும் ஒரு கரண்டி மாவை அதன் மீது ஊற்ற வேண்டும். மாவு தானாக விரியும் அளவு போதுமானது. கரண்டியை வைத்து தோசை சுடுவது போன்று செய்யக்கூடாது.

அடுப்பு தீயை மீடியம் ஃப்ளேமில் இருக்க வேண்டும். ஒரு பக்கம் வெந்ததும் மால்புவாவை திருப்பி போட்டு வேக விட வேண்டும். ஓரங்களில் நன்கு சிவந்து இரண்டு பக்கமும் வெந்து வந்த பிறகு எடுத்து வேறு பாத்திரத்தில் மாற்றவும். இதே போன்று மீதமுள்ள மாவையும் தயார் செய்ய வேண்டும். தயார் செய்து வைத்த மால்புவாவை சர்க்கரைப்பாகில் சேர்த்து 20 நிமிடம் ஊற வைக்க வேண்டும். மால்புவா நன்கு உரிய பின்னர் இறுதியாக இதன் மீது பொடித்த பாதாம் சேர்த்து பரிமாறவும். இப்போது சுவையான மால்புவா தயார்

இதையும் படிங்க : 100 கிராம் பன்னீர் போதும்.. ஹோட்டல் சுவையில் வெஜ் இறால் தொக்கு ரெடி!