How to make kumbakonam kadappa | சுவையான கும்பகோணம் கடப்பா இப்படி பண்ணுங்க.
How to make kumbakonam kadappa | சுவையான கும்பகோணம் கடப்பா இப்படி பண்ணுங்க.
Published on: November 26, 2024 at 8:33 am
How to make kumbakonam kadappa | இட்லிக்கு ஒரு அருமையான காம்பினேஷன் கும்பகோணம் கடப்பா எப்படி செய்யலாம் என்று பார்க்கலாம்.
தேவையான பொருட்கள்
பிரியாணி இலை- 1
கிராம்பு – 3
ஏலக்காய் -2
நட்சத்திர சோம்பு -1
சோம்பு -1/2 டீஸ்பூன்
வெங்காயம் -2
தக்காளி -2
கறிவேப்பிலை – 1 ஒரு கொத்து
உப்பு – தேவையானவை
தண்ணீர் – தேவையான அளவு
கொத்தமல்லி இலை – ஒரு கைப்பிடி அளவு
அவிக்க வேண்டியவை
பாசிப்பருப்பு -200 கிராம்
உருளைக்கிழங்கு -3
மஞ்சள் தூள் -1/4 டீஸ்பூன்
உப்பு – 1/2 டீஸ்பூன்
அரைக்க வேண்டியவை
தேங்காய் – 1/2 கப்
பொட்டுக்கடலை – 2 டேபிள் ஸ்பூன்
சோம்பு -1 டீஸ்பூன்
கசகசா -1 டீஸ்பூன்
பூண்டு – 6 பல்லு
இஞ்சி – 1 துண்டு
பச்சை மிளகாய் – 5 (காரத்துக்கு ஏற்ப சேர்க்கவும் )
செய்முறை
ஒரு குக்கரில் பாசிப்பருப்பு, உருளைக்கிழங்கு, மஞ்சள் தூள், உப்பு மற்றும் தேவையான அளவு தண்ணீர் சேர்த்து குக்கரை மூடி ஐந்து விசில் வைத்து அவித்து எடுத்துக் கொள்ள வேண்டும். இவை விசில் விட்டு வெந்த பின்னர் குக்கரில் ஆவி வெளியேறியதும் உருளைக்கிழங்கை தனியாக எடுத்து தோல் உரித்து நன்கு மசித்து எடுத்துக்கொள்ள வேண்டும். ஒரு மிக்ஸி ஜாரில் தேங்காய், பொட்டுக்கடலை, சோம்பு, கசகசா, பூண்டு, நறுக்கிய இஞ்சி, பச்சை மிளகாய் மற்றும் சிறிதளவு தண்ணீர் சேர்த்து நன்கு மை போன்று அரைத்து எடுத்துக் கொள்ள வேண்டும்.
பின்னர் ஒரு கடாயில் எண்ணெய் சேர்த்து எண்ணெய் காய்ந்ததும் அதனுடன் பிரியாணி இலை, கிராம்பு, ஏலக்காய், நட்சத்திர சோம்பு, சோம்பு சேர்த்து பொன்னிறமாக வறுக்கவும். இதனுடன் நீளவாக்கில் நறுக்கிய வெங்காயம் சேர்த்து பொன்னிறமாக வரும் வரை வதக்கவும். வெங்காயம் வதங்கியதும் இதனுடன் தக்காளி, கறிவேப்பிலை மற்றும் தேவையான அளவு உப்பு சேர்த்து வதக்கவும்.
இதனுடன் ஏற்கனவே மை போன்று அரைத்து வைத்த விழுதினை சேர்த்து நன்கு கலந்து விட்டு மூடி போட்டு ஐந்து நிமிடம் லோ பிளேமில் வைத்து வேக வைக்க வேண்டும். பின்னர் இதனுடன் வேக வைத்த பாசிப்பருப்பு மற்றும் 1½ கப் தண்ணீர் சேர்த்து ஐந்து நிமிடம் லோ ஃப்லேமில் வைத்து கொதிக்க விட வேண்டும்.
பின்னர் இதனுடன் மசித்து வைத்த உருளைக்கிழங்கினை சேர்த்து நன்கு கலந்து பத்து நிமிடம் வேக விட வேண்டும். இறுதியாக நறுக்கிய கொத்தமல்லி சேர்த்து கலந்து விட வேண்டும். இப்போது சுவையான கும்பகோணம் கடப்பா தயார். இதை சூடான இட்லியுடன் சேர்த்து சாப்பிட்டால் சுவையாக இருக்கும்.
இதையும் படிங்க : ஹெல்தியான கோவை ஸ்பெஷல் பச்சை பயறு குழம்பு செய்வது எப்படி?
திராவிடன் டைம்ஸின் செய்திகளை உடனுக்குடன் தெரிந்துக்கொள்ள
திராவிடன் டைம்ஸ்.காம் (www.dravidantimes.com) ஆன்லைன் செய்தித்தளம் ஆகஸ்ட் 18 2024ல் தொடங்கப்பட்டது. தமிழ்நாடு, இந்தியா, சர்வதேசம், வணிகம், லைஃப்ஸ்டைல், சினிமா, ஆன்மிகம், தொழில்நுட்பம், கல்வி மற்றும் வேலைவாய்ப்பு என பலதரப்பட்ட செய்திகளை பக்கச்சார்பின்றி வெளியிடுகிறது.
© 2024 dravidantimes.com – developed and designed by Thirdvizion.com
