தமிழ்நாடு கால்நடை மருத்துவப் பல்கலையில் பணி.. மாதம் ரூ.30,000 சம்பளம்!

TANUVAS Recruitment 2026: தமிழ்நாடு கால்நடை மருத்துவப் பல்கலைக்கழகத்தில் வேலைவாய்ப்புகள் அறிவிக்கப்பட்டுள்ளன; இதற்கு மாதம் ரூ.30,000 சம்பளம் வழங்கப்படும்.

தமிழ்நாடு கால்நடை மருத்துவப் பல்கலைக்கழ வேலைவாய்ப்பு

ByPushpa Gopinath

Published on: October 26, 2026 at 1:34 pm

சென்னை, அக்.26, 2026: தமிழ்நாடு கால்நடை மருத்துவ அறிவியல் பல்கலைக்கழகத்தின் கீழ் செயல்படும் உடுமலைப்பேட்டை கால்நடை மருத்துவக் கல்லூரி மற்றும் ஆராய்ச்சி நிறுவனத்தில், இளம் நிபுணர் பணியிடத்தை நிரப்புவதற்கான அறிவிப்பு வெளியிடப்பட்டுள்ளது. மொத்தம் ஒரு காலியிடத்துக்கு நேரடி நியமன முறையில் தேர்வு நடைபெற உள்ளது.

இந்தப் பணிக்கு கால்நடை மருத்துவம், வேளாண்மை, பொருளாதாரம், சமூகப் பணி, உயிரியல் அல்லது வேதியியல் ஆகிய துறைகளில் பட்டம் பெற்றவர்கள் விண்ணப்பிக்கலாம். விண்ணப்பதாரர்களின் வயது 21 முதல் 45 வயதுக்குள் இருக்க வேண்டும். தேர்வு செய்யப்படுபவர்களுக்கு மாதம் ரூ.30,000 சம்பளமாக வழங்கப்படும்.

தகுதியானவர்கள் எழுத்துத் தேர்வு மற்றும் நேர்முகத் தேர்வு மூலம் தேர்வு செய்யப்படுவார்கள். நேர்முகத் தேர்வு 2026 நவம்பர் 5ஆம் தேதி உடுமலைப்பேட்டையில் உள்ள கால்நடை மருத்துவக் கல்லூரி மற்றும் ஆராய்ச்சி நிறுவனத்தின் கால்நடை மற்றும் கால்நடைப் பராமரிப்பு விரிவாக்கக் கல்வித் துறையில் நடைபெற உள்ளது.

விருப்பமுள்ளவர்கள் கல்விச் சான்றிதழ்கள், வயதுச் சான்று, புகைப்படம் மற்றும் தேவையான ஆவணங்களுடன் நேர்முகத் தேர்வில் நேரடியாகக் கலந்துகொள்ளலாம். தேர்வு நேரம், விண்ணப்பப் படிவம் மற்றும் கூடுதல் நிபந்தனைகள் குறித்த விவரங்களைத் தமிழ்நாடு கால்நடை மருத்துவ அறிவியல் பல்கலைக்கழகத்தின் அதிகாரப்பூர்வ வேலைவாய்ப்புப் பக்கத்தில் சரிபார்த்துக்கொள்ளலாம்.

இதையும் படிங்க : அதிக கல்விக் கட்டணம்.. தமிழகம், புதுச்சேரியில் 800-க்கும் மேற்பட்ட MBBS இடங்கள் காலி