கோவையில் சூப்பர் வாய்ப்பு.. அங்கன்வாடி பணியாளர்கள் பணியிடங்களுக்கு விண்ணப்பிக்க அழைப்பு

Anganwadi worker Requirement: கோவையில் காலியாக உள்ள அங்கன்வாடி பணியாளர்கள் பணிக்கு விண்ணப்பிக்க அழைப்பு வெளியிடப்பட்டுள்ளது.

அங்கன்வாடி பணியாளர்கள் வேலைவாய்ப்பு

ByRajeswari Thayanithi

Published on: April 7, 2025 at 2:15 pm

கோவை, ஏப்ரல் 07 2025: கோவை மாவட்டத்தில் காலியாக உள்ள அங்கன்வாடி பணியாளர்கள் பணியிடங்களுக்கு விண்ணப்பிக்க வேலைவாய்ப்பு அறிவிப்பு வெளியாகி உள்ளது. இதில் அங்கன்வாடி பணியாளர்கள், குரு அங்கன்வாடி பணியாளர்கள், அங்கன்வாடி உதவியாளர்கள் பணிகளுக்கு விண்ணப்பிக்கலாம்.

காலிப் பணியிடங்கள்

அங்கன்வாடி பணியாளர்கள் 13
குரு அங்கன்வாடி பணியாளர்கள் 23
அங்கன்வாடி உதவியாளர்கள் 101

தேர்வு முறை

பணியிடங்கள் நேர்முகத் தேர்வின் மூலமும் இன சுழற்சி முறையிலும் நிரப்பப்படும்.
இன சுழற்சி விவரங்கள் அந்தந்த மாவட்ட திட்ட அலுவலகங்களிலும் அந்தந்த வட்டார குழந்தை வளர்ச்சித் திட்ட அலுவலகங்களிலும் தகவல் பலகையில் குறிப்பிடப்படும்.

கல்வி தகுதி

அங்கன்வாடி பணியாளர், குரு அங்கன்வாடி பணியாளர் பணியிடங்களுக்கு பிளஸ் டூ தேர்ச்சி பெற்றிருக்க வேண்டும்.
அங்கன்வாடி உதவியாளர் பணியிடத்திற்கு பத்தாம் வகுப்பு தேர்ச்சி பெற்றிருக்க வேண்டும்.

வயதுவரம்பு

25 முதல் 35 வயது வரை
விதவைகள், ஆதரவற்ற பெண்கள், எஸ்.சி/ எஸ்.டி. வகுப்பினர் 25 முதல் 40 வயது வரை இருக்கலாம்.
மாற்றுத்திறனாளிகள் 25 முதல் 38 வயது வரை இருக்கலாம்

விண்ணப்ப படிவங்களை https://icds.tn.gov.in/icdstn என்ற இணையதளம் வாயிலாக பதிவிறக்கம் செய்து கொள்ளலாம்.

விண்ணப்பத்துடன் பத்தாம் வகுப்பு மதிப்பெண் சான்றிதழ், பன்னிரண்டாம் வகுப்பு மதிப்பெண் சான்றிதழ், பள்ளி மாற்று சான்றிதழ், குடும்ப அட்டை, ஆதார் அட்டை, வாக்காளர் அட்டை உள்ளிட்ட சான்றிதழ்களின் நகல்களில் சுய கையப்பமிட்டு இணைக்கப்பட்டிருக்க வேண்டும்.

கடைசி தேதி

விண்ணப்பதாரர்கள் அந்தந்த வட்டார குழந்தை வளர்ச்சி திட்ட அலுவலர் வாயிலாக ஏப்ரல் 7 முதல் 23ஆம் தேதி வரை விண்ணப்பிக்கலாம்.
23ஆம் தேதி மாலை 5 மணிக்கு பிறகு வரும் விண்ணப்பங்கள் ஏற்றுக் கொள்ளப்படாது.

இதையும் படிங்க இந்தியாவின் சிறந்த 10 கேந்திரிய வித்யாலயா பள்ளிகள்!