கல்கி படத்தில் சாய் பல்லவி.. தீபிகா படுகோனுக்கு கல்தா?

Sai Pallavi: கல்கி படத்தில் தீபிகா படுகோனுக்கு பதில் சாய் பல்லவி நடிக்கவிருக்கிறார் என்ற அதிகாரப்பூர்வமற்ற தகவல்கள் வெளியாகியுள்ளன.

சாய் பல்லவி

ByThilahavathy P

Published on: August 6, 2026 at 12:17 pm

ஹைதராபாத், ஆக.6, 2026: நடிகை சாய் பல்லவி, தமிழ், தெலுங்கு, மலையாளம் ஆகிய மொழிகளில் தனித்துவமான நடிப்பும், இயல்பான நடனத்தாலும் ரசிகர்களை கவர்ந்திருக்கும் நடிகை. ‘பிரேமம்’ திரைப்படத்தின் மூலம் மலையாளத்தில் அறிமுகமான அவர், ‘ஃபிடா’, ‘மாரி 2’, ‘கார்கி’ போன்ற படங்களில் வலுவான கதாபாத்திரங்களை ஏற்று, தனது திறமையை நிரூபித்துள்ளார். இயல்பான நடிப்பும், மேக்கப் இல்லாத தோற்றமும், அவரை ரசிகர்களிடையே தனித்துவமான இடத்தில் நிறுத்தியுள்ளது.

இந்த நிலையில், ‘கல்கி 2898 ஏடி’ திரைப்படத்தின் அடுத்த பாகத்தில் சாய் பல்லவி நடிக்கக்கூடும் என்ற தகவல்கள் பரவியுள்ளன. தீபிகா படுகோன் இடம்பெறாத நிலையில், அவருக்குப் பதிலாக சாய் பல்லவி முக்கிய கதாபாத்திரத்தில் நடிக்கலாம் எனக் கூறப்படுகிறது. இதுவரை படக்குழுவினர் அதிகாரப்பூர்வமாக உறுதிப்படுத்தவில்லை என்றாலும், ரசிகர்கள் இந்த செய்தியை ஆர்வத்துடன் எதிர்நோக்கி வருகின்றனர்.

சாய் பல்லவியின் நடிப்பு பாணி, வலுவான கதாபாத்திரங்களை இயல்பாக வெளிப்படுத்தும் திறன் கொண்டது. சமூக பிரச்சினைகள், பெண்களின் வலிமை, உணர்ச்சி சார்ந்த கதாபாத்திரங்களில் அவர் சிறப்பாகத் திகழ்ந்துள்ளார். ‘கார்கி’ திரைப்படத்தில் அவர் வெளிப்படுத்திய வலுவான நடிப்பு, விமர்சகர்களிடமும் பாராட்டைப் பெற்றது.

‘கல்கி 2898 ஏடி’ திரைப்படத்தின் முதல் பாகம் உலகம் முழுவதும் ₹1,000 கோடிக்கும் அதிகமான வசூலைக் குவித்ததால், அதன் அடுத்த பாகத்தின் மீதான எதிர்பார்ப்பு அதிகரித்துள்ளது. பிரபாஸ் மற்றும் கமல்ஹாசன் மீண்டும் தங்கள் கதாபாத்திரங்களில் நடிக்கின்றனர். இப்படத்தில் சாய் பல்லவி இணைந்தால், அவரது நடிப்பு படத்தின் கதைமாந்திரத்தில் புதிய வலிமையைச் சேர்க்கும் என ரசிகர்கள் நம்புகின்றனர்.

இதையும் படிங்க : சும்மா.. கெத்தா ஸ்டைலா.. காரைக்குடியில் மம்முட்டி!